આણંદના આ બ્યુટિશિયને 1 કલાક માં 1500 થી વધુ બ્રાઇડને તૈયાર કરી ગિનિસ વર્લ્ડ રેકોર્ડમાં સ્થાન મેળવ્યું

વર્તમાન કોરોના મહામારીને કારણે ઘણી બધી પ્રવૃત્તિઓ ઓનલાઇન થતી બની છે. વર્ચ્યુઅલી આયોજન કરવામાં આવેલી આવી જ એક પ્રવૃત્તિમાં ભારત દેશનું નામ ગિનીસ વર્લ્ડ રેકોર્ડમાં નોંધવામાં આવ્યું છે. દેશમાં હાલમાં યોજાયેલા એક ચેલેન્જ સ્પર્ધામાં 2000 જેટલી મહિલાઓએ ઓનલાઇન એક જ પ્લેટફોર્મ પર એક કલાકની અંદર 1500 યુવતીઓને બ્રાઈડલ મેકઅપ કરી અનોખી સિદ્ધિ દેશને નામ કરી છે.

• 1 કલાકમાં 1500 થી વધુ યુવતીઓને કરી તૈયાર
  
• 1500 થી વધુ મહિલાઓને બ્રાઇડલ મેકઅપ કરી ગિનિસ વલ્ડ રેકોર્ડમાં મેળવ્યું સ્થાન
  
• દેશભરમાંથી 2000 જેટલી બ્યુટિશિયને લીધો હતો ભાગ
  
• આણંદ શહેરમાંથી 200 ઉપરાંત આર્ટિસ્ટ બ્યુટિશિયનએ લીધો હતો ભાગ

આણંદઃ વર્તમાન કોરોના મહામારીને કારણે ઘણી બધી પ્રવૃત્તિઓ ઓનલાઇન થતી બની છે. વર્ચ્યુઅલી આયોજન કરવામાં આવેલી આવી જ એક પ્રવૃત્તિમાં ભારત દેશનું નામ ગિનીસ વર્લ્ડ રેકોર્ડમાં નોંધવામાં આવ્યું છે. દેશમાં હાલમાં યોજાયેલા એક ચેલેન્જ સ્પર્ધામાં 2000 જેટલી મહિલાઓએ ઓનલાઇન એક જ પ્લેટફોર્મ પર એક કલાકની અંદર 1500 યુવતીઓને બ્રાઈડલ મેકઅપ કરી અનોખી સિદ્ધિ દેશને નામ કરી છે.

2000 થી વધુ મેકઅપ આર્ટિસ્ટએ ચેલેન્જને સ્વીકારી

ઓલ ઇંડીયા ફેર એન્ડ બ્યુટી અસોસિએશન દ્વારા બ્યુટી સલૂન ઇન્ટરનેશનલ ટ્રેડ થકી આયોજિત ચેલેન્જ ટાસ્કમાં દેશભરના મેકઅપ આર્ટિસ્ટને એક કલાકમાં 1500થી વધુ યુવતીઓને બ્રાઈડલ મેકઅપ કરી ગિનિસ બુક ઓફ વર્લ્ડ રેકોર્ડ સર્જ્યો છે. જેમાં દેશના મહાનગરો જેવા કે દિલ્હી, મુંબઈ,કલકત્તા, ચેન્નાઈ તથા રાજ્યમાંથી રાજકોટ, સુરત, અમદાવાદ, આણંદ, વડોદરા, ભાવનગર, જામનગર અને ઠાસરા સહિતના શહેરોમાંથી 2000 થી વધુ મેકઅપ આર્ટિસ્ટએ ભાગ લીધો હતો. જેમાં આણંદ શહેર અને જિલ્લામાંથી પણ 200થી વધુ મેકઅપ આર્ટિસ્ટો પોતાના બ્યુટીપાર્લર પરથી બ્રાઇડલને તૈયાર કરી લાઈવ આ સ્પર્ધામાં જોડાયા હતા.

ગિનિસ બુક ઓફ વર્લ્ડ રેકોર્ડમાં મેળવ્યું સ્થાનઆ સ્પર્ધા અંગે માહિતી આપતાં શહેરના જાણીતા મેકઅપ આર્ટિસ્ટ કિંજલબેન પરીખે ઈટીવી ભારતને જણાવ્યું હતું કે, ગત 20 ડિસેમ્બરના રોજ ડીસા ઇન્ટરનેશનલ બ્યૂટી સલૂન ટ્રેડ શો અને બ્રહ્માણી ઇવેન્ટ દ્વારા ગિનિસ બુક ઓફ વર્લ્ડ રેકોર્ડમાં સ્થાન મેળવવા આ ચેલેન્જનો સ્વીકાર કરવામાં આવ્યો હતો. જેમાં ઓલ ઇંડીયા ફેર એન્ડ બ્યુટી એસોસિયેશનમાંથી શહેરની તથા દેશભરમાંથી 2000 ઉપરાંત મેકઅપ આર્ટિસ્ટ મહિલાઓએ ભાગ લીધો હતો. જેમાં આપવામાં આવેલા ટાસ્ક પ્રમાણે ઓનલાઈન પ્લેટફોર્મના માધ્યમથી 2000 ઉપરાંત મહિલાઓએ પોતાના સલૂનમાંથી 1500 કરતાં વધુ યુવતીઓને બ્રાઈડલ મેકઅપ કરી ફક્ત એક કલાકમાં તૈયાર કરી હતી. સમગ્ર વિશ્વમાં આ પ્રકારની પ્રથમ ઘટના બનતા ગિનિસ વર્લ્ડ રેકોર્ડમાંથી આવેલી પ્રતિનિધિ દ્વારા અમદાવાદ ખાતે બનાવવામાં આવેલા ઓબ્ઝર્વેશન સેન્ટર પરથી તમામ બ્યૂટી સલૂન પરથી લાઈવ જોડાયેલા બ્યુટિશિયનનું ઓનલાઈન મેકઅપ ઓપરેશન ટાસ્કનું નિરીક્ષણ કર્યું હતુ. ત્યારબાદ આ સમગ્ર ઈવેન્ટને ગિનિસ બુક ઓફ વર્લ્ડ રેકોર્ડમાં સ્થાન પ્રાપ્ત થયું હતું.