છેલ્લા કેટલાક સમયથી ભારતના શહેરોમાં જેવા કે બેંગ્લોર, હૈદરાબાદ તેમજ મુંબઈમાં આ પ્રકારની રન કરવામાં આવી હતી. જેમાં લોકોનો સારો પ્રતિસાદ મળ્યો હતો. આ પ્રવૃત્તિથી પ્રેરાઈને 42.1.com દ્વારા AMCના સહયોગથી 26 મેના રોજ પ્લોગીંગ રનનું આયોજન કરવામાં આવશે.
AMC દ્વારા 26 મેના દિવસે 'પ્લોગીંગ રન'નું આયોજન અમદાવાદ શહેરને સ્વચ્છ બનાવવામાં નાગરિકો પણ પોતાનું યોગદાન આપે તેવી આદર્શ ભાવના સાથે સવારના સમયે જોગીંગ કરતા કરતા કચરો ઉપાડવાની રન એટલે કે પ્લોગીંગ રનનું આયોજન કરવામાં આવશે. વહેલી સવારે 6.15 કલાકે ફ્લેગ ઓફ થશે. રનની શરૂઆત તેમજ સમાપ્તિ વેસ્ટગેટ એસ.જી.હાઇવે ખાતેથી રહેશે. વેસ્ટઝોન ખાતેથી પ્રહલાદનગર ક્રોસ રોડથી પરત વેસ્ટગેટ પર પૂર્ણ થશે.5 કિલોમીટરના રૂટ પર આ રનનું આયોજન થશે. ભાગ લેનાર પ્રત્યેક પ્રતિનિધીને રન પૂર્ણ કર્યાનું પ્રમાણપત્ર, ટી-શર્ટ, ગુડીબેગ તેમજ રિફ્રેશમેન્ટ આપવામાં આવશે. કચરાના નિકાલ માટે જરૂરી ડસ્ટબીન અને મેડિકલ ફેસિલિટી પણ આપવામાં આવશે.
