અમદાવાદ જિલ્લાના તમામ વૃદ્ધાશ્રમોમાં વૃદ્ધોનું હેલ્થ ચેકઅપ શરૂ

કોરોનાના સંક્રમણની અસર વિવિધ વર્ગ અને વયજૂથ પર વર્તાઈ રહી છે, ત્યારે અમદાવાદ જિલ્લા વહીવટીતંત્રએ અમદાવાદ જિલ્લાના 20થી વધુ વૃદ્ધાશ્રમો રહેતાં 700થી વધુ વૃદ્ધોનું હેલ્થ ચેકઅપ કરાવવાનું નક્કી કર્યું છે, અને આજે સોમવારથી હેલ્થચેક અપ શરૂ પણ કરી દેવામાં આવ્યું છે.

અમદાવાદ- અમદાવાદ જિલ્લા કલેક્ટર કે. કે.નિરાલાએ જિલ્લા વહીવટીતંત્રને વૃદ્ધોની સારસંભાળ અને દેખભાળ માટે સૂચના આપી છે. આ ઝુંબેશ અંગે જિલ્લા કલેક્ટર કે. કે.નિરાલા કહે છે, મુખ્યપ્રધાન વિજયભાઈ રૂપાણી વહીવટીતંત્રને વધુ મજબૂત બનાવવાની બાબત પર ભાર મૂકી રહ્યા છે, ત્યારે સમાજમાં સૌથી વધુ જેને મદદની જરુર છે, તેવા વડીલોની આરોગ્યની સારસંભાળ રાખવી એ આપણી નૈતિક જવાબદારી છે. અમદાવાદ જિલ્લામાં બે દિવસથી શરુ થયેલી આ કામગીરી હેઠળ 137થી વધુ વૃદ્ધોનું હેલ્થ ચેકઅપ હાથ ધરાયું છે. અમદાવાદ જિલ્લાના મેડિકલ સ્ટાફની મદદથી આ હેલ્થ ચેકઅપ કેમ્પનું આયોજન કરવામાં આવી રહ્યું છે.

અમદાવાદ જિલ્લાના તમામ વૃદ્ધાશ્રમોમાં વૃદ્ધોનું હેલ્થ ચેકઅપ શરૂ

આ અંગેની વિગતો આપતા અમદાવાદ જિલ્લા સમાજ સુરક્ષા અધિકારી આરતી બોરીચા કહે છે કે અમે અમદાવાદ શહેરના વિવિધ વિસ્તારોમાં વૃદ્ધાશ્રમોમાં હેલ્થ ચેકઅપની કામગીરી શરુ કરી છે, જે બે દિવસ ચાલશે. તેઓ ઉમેરે છે કે અમદાવાદ જિલ્લા વહીવટીતંત્રના મેડિકલ સ્ટાફની સહાયથી આ હેલ્થ ચેકઅપ હાથ ધરવામાં આવ્યું છે.

અમદાવાદ જિલ્લાના તમામ વૃદ્ધાશ્રમોમાં વૃદ્ધોનું હેલ્થ ચેકઅપ શરૂ

અમદાવાદ જિલ્લામાં હેલ્થ ચેકઅપ ધરાયું તે વૃદ્ધાશ્રમોવિસ્તાર વૃદ્ધોની સંખ્યા શાંતિધામ જૈનતીર્થ આશ્રમ, વટવા 42મણિલાલ ગાંધી વૃદ્ધાશ્રમ 45આશિયાના ચેરિટેબલ ટ્રસ્ટ, આર.સી.ટેકનિકલ 18ક્રિશ્નાધામ, આઈઆઈએમ અમદાવાદ બ્રીજ પાસે 15સુવર્ણ સંધ્યા, ધોળકા 17અમદાવાદ જિલ્લા વહીવટીતંત્રએ વૃદ્ધાશ્રમોમાં હેલ્થ ચેકઅપ શરુ કર્યું છે. અમદાવાદ શહેરના આઈઆઈએમ, અમદાવાદ બ્રીજ પાસે આવેલી ચૈતન્ય સોસાયટીમાં આવેલા વૃદ્ધાશ્રમમાં જિલ્લા વહીવટીતંત્રના સમાજ સુરક્ષા વિભાગે વૃદ્ધોનો હેલ્થ ચેકઅપ કેમ્પ કર્યો હતો. આ કેમ્પમાં 15 વૃદ્ધોનું હેલ્થ ચેકઅપ કરવામાં આવ્યું, જેમાં 4 પુરુષ અને 11 સ્ત્રી હતી. સારી વાત એ હતી કે તેમાંથી કોઈને ખાસ શારીરિક તકલીફ ન જણાઈ. આ કેમ્પ અંગે પ્રતિભાવ આપતા 80 વર્ષના શોભા દાસગુપ્તાએ કહ્યું કે, ‘ઈટ વોઝ વેરી નાઈસ…દાક્તરોએ અમારી બહુ કાળજી લીધી અને ખૂબ આત્મીયતાથી તપાસ કરી.’76 વર્ષના કિરણભાઈ દેસાઈનું હેલ્થ ચેકઅપ કરવામાં આવ્યું. કિરણભાઈ આ કામગીરી પ્રતિભાવ આપતા કહે છે, અમારું હેલ્થ ચેકઅપ બહુ સારી રીતે થયું અને સરકાર ઉત્તમ કામગીરી કરી રહી છે. તે હેલ્થ ચેકઅપ અંગે સંતોષ વ્યક્ત કરતા કહે છે કે, તબીબો અમારી વાત સારી રીતે અને ઝડપથી સમજી જતા હતા. ક્રિશ્નાધામ વૃદ્ધાશ્રમના સંચાલક વિશાલભાઈ ગોયલે અમદાવાદ જિલ્લા વહીવટીતંત્રની કામગીરી વિશે પ્રતિભાવ આપતા કહ્યું કે અમદાવાદ મહાનગરપાલિકાએ થોડા દિવસો પહેલા અહીં સેનિટાઈઝેશનની કામગીરી કરી હતી અને સરકાર તરફથી ખૂબ ઉત્તમ કામ કરવામાં આવ્યું છે અને આ કામ કાબિલે તારીફ છે.