અમદાવાદમા લોકો ઘરે રહી કરી રહ્યાં છે ગાયત્રી યજ્ઞ

અમદાવાદમાં ઘરે ઘરે ગાયત્રી હવન કરવામાં આવી રહ્યો છે. કોરોનાની મહામારી સામે લડવા લોકો વીધિવત રીતે શ્રદ્ધાથી ગાયત્રી હવન કરી રહ્યાં છે.

અમદાવાદઃ હાલમાં વિશ્વ સમક્ષ કોરોનાવાયરસની મહામારી સમગ્ર માનવજાત માટે જોખમરૂપ સાબિત થઇ રહ્યો છે. ત્યારે ભારતમાં પણ કોરોનાવાયરસ વધતો અટકે તે માટે વડાપ્રધાન નરેન્દ્ર મોદી દ્વારા ૨૧ દિવસ માટે સંપૂર્ણ લોકડાઉન લાદવામાં આવ્યુ છે. આવા વાતાવરણમાં પણ ગુજરાતના ભાવિક ભક્તો દ્વારા મંદિરે જઈ ન શકાય, તો ઘરમાં રહીને પણ વિકલ્પ શોધી હોમ, હવન, જપ, તપ કરવામાં આવી રહ્યું છે. કોરોનાવાયરસને વિશ્વમાંથી નાબૂદ થઈ જાય તે માટે ઘરમાં બેસીને આહુતિ આપવામાં આવી રહી છે.

કોરોનાની મહામારીના ૨૧ દિવસ માટે લોકડાઉન હોવા છતાં પણ ગુજરાતીઓની આસ્થાને સહેજ ઉની આંચ નથી આવી શકતી. અત્યારે પ્રજાને બિલકુલ ઘરમાં રહેવાની કડક સુચના તેમજ કરફ્યુ જેવો માહોલ હોવાથી લોકો મંદિરે જઈ શકતા નથી. ત્યારે ધાર્મિક પ્રવૃત્તિ અને ધાર્મિકતાને સહેજ પણ ડગમગતી લાગતી નથી, અને મંદિરની જગ્યાએ ઘરમાં પણ ગાયત્રી હવન કરવામાં આવી રહ્યો છે.હાલમાં ઘરે ઘરે જઈ અને ઘરમાં જ, ઘરના સભ્યોની સાથે રહી અને નાના નાના હવન કુંડમાં હવન સામગ્રી દ્વારા અને ગાયત્રી મંત્ર તેમજ સંપૂર્ણ શાસ્ત્રોક્ત રીતે વિધિવત પૂર્ણ શ્રદ્ધાથી હવન કરી રહ્યાં છે.