ચૂંટણીની દોડધામ વચ્ચે 543 સીટ ઉપર લોકસભા ચૂંટણીની દેખરેખ રાખી ભાજપને સંપૂર્ણ બહુમત આપવાના લક્ષ્યાંક વચ્ચે અમિત શાહ પોતાની ગાંધીનગર સીટ ઉપર પણ કઈ કાચું કાપવા માંગતા નથી. આથી 14 એપ્રિલે એટલે કે આજે શાહ કલોલ અને ગાંધીનગરમાં લોકસંપર્ક અને રોડ શો કરશે.
અમિત શાહના આ રોડ શોની શરૂઆત કલોલ બજારથી કરવામાં આવશે. તેની સાથે ગ્રામ્ય વિસ્તારના 12 ગામના કાર્યકરો સાથે રાંધેજામાં ગ્રૂપ મીટિંગ કરશે. જ્યારે ગાંધીનગર વિસ્તારના કાર્યકરો સાથે સેક્ટર-22માં ગ્રૂપ મીટિંગ કરશે. ત્યાર બાદ ગાંધીનગર શહેરના કાર્યકરો સાથે રાતના 8 વાગ્યે બેઠક કરશે. આ ઉપરાંત ગાંધીનગરની સામાજિક સંસ્થા સાથે પણ બેઠકનું આયોજન કર્યુ છે.
