- કેન્દ્રિય પ્રધાન કિરણ રિજિજૂએ આસામ સરકારનો માન્યો આભાર
- હિમા દાસની DSP તરીકે નિમણૂક થતા સરકારનો માન્યો આભાર
- હિમા દાસે 2019માં નોવ મેસ્ટો એથલિટ્સ મીટમાં 5મો મેડલ જીત્યો
નવી દિલ્હીઃ કેન્દ્રીય પ્રધાન કિરણ રિજિજૂએ ટ્વિટ કરી જણાવ્યું હતું કે, ઘણા લોકો હિમાના રમત ક્ષેત્ર અંગે પૂછી રહ્યા છે. હાલમાં હિમા દાસ આઈએનએસ પટિયાલામાં ઓલિમ્પિક ક્વાલિફિકેશન માટે તાલીમ લઈ રહી છે અને ભારતની દોડમાં હિસ્સો લેતી રહેશે. જ્યારે વિભિન્ન નોકરીમાં પણ તે કાર્યરત્ છે. તેમ છતાં તેમને રમવાનું ચાલુ જ રાખ્યું છે. સેવા નિવૃત્તિ બાદ પણ તેમને રમતને જ પ્રાધાન્ય આપી રહ્યા છે.
આસામ કેબિનેટે હિમા દાસની DSP તરીકે પસંદગી કરી
આ પહેલા રિજિજૂએ હિમાની DSP પદે નિમણૂક કરવા બદલ આસામ કેબિનેટના નિર્ણયને આવકાર્યો હતો. રિજિજૂએ ટ્વિટ કરી કહ્યું હતું કે, ખૂબ જ સારું. મુખ્યપ્રધાનના નેતૃત્વમાં આસામ કેબિનેટે આસામ પોલીસમાં DSP તરીકે પસંદગી કરી છે. આસામના મુખ્યપ્રધાન સર્બાનંદ સોનવાલે બુધવારે ગુવાહાટીના જનતા ભવનમાં પ્રધાન પરિષદમાં રાજ્યમાં DSPરૂપે સ્પ્રિન્ટર દાસની નિમણૂક કરવાનો નિર્ણય કર્યો હતો.
કેબિનેટે રાજ્ય સરકારના વિભિન્ન વિભાગોમાં ખેલાડીઓની પસંદગી માટે સંશોધન કર્યું
કેબિનેટે રાજ્ય સરકારના વિભિન્ન વિભાગોમાં વર્ગ-1 અને વર્ગ -2ના અધિકારીઓ તરીકે ખેલાડીઓની પસંદગી માટે રાજ્યની એકીકૃત રમત નીતિમાં સંશોધન કર્યું હતું. હિમા પહેલી ભારતીય મહિલા અને પહેલી ભારતીય એથલિટ બની છે, જ્યારે તેમને IAAF વર્લ્ડ U20 ચેમ્પિયનશિપમાં વૈશ્વિક ટ્રેક ઈવેન્ટના કોઈ પણ સ્વરૂપમાં ગોલ્ડ મેડલ જીત્યો હોય. હિમા દાસે 51.46 સેકન્ડમાં દોડ પૂર્ણ કરી હતી.
હિમાએ ટાબર એથલેટિક મીટમાં પણ 200 મીટરમાં ગોલ્ડ મેડલ મેળવ્યો હતો
હિમાએ 2019માં પાંચ ગોલ્ડ મેડલ મેળવ્યા હતા. તેમને 20 જુલાઈ, 2019માં નોવ મેસ્ટો એથલિટ્સ મીટમાં પાંચમો મેડલ જીત્યો હતો. આ ઉપરાંત 400 મીટર દોડ પૂરી કરવા માટે 52.09 સેકન્ડનો સમય લીધો હતો જે સિઝનનો સર્વશ્રેષ્ઠ સમય હતો. હિમાએ ટાબર એથલેટિક મીટમાં 200 મીટરમાં પણ ગોલ્ડ મેડલ મેળવ્યો હતો.
