ઓલ્મપિક વિજેતા પૂર્વ હોકી ખેલાડી બલવીર સિંહ મહારાજા રંજીત સિંહ એવોર્ડથી સન્માનિત

ચંડીગઢ : પંજાબના મુખ્યપ્રધાન કેપ્ટન અમરિન્દર સિંહે 3 વખતના ઓલ્મપિક વિજેતા પૂર્વ હોકી ખેલાડી બલવીર સિંહ સીનિયરને પી.જીઆઈ.એમ.ઈ.આર હોસ્પિટલ ખાતે મુલાકાત લીધી હતી. સાથે તેમને મહારાજા રંજીત સિંહ એવોર્ડથી સન્માનિત કર્યા હતા.

અમરિન્દર સિંહે હોકી ખેલાડીને કહ્યુ કે, તેમનું નામ ભારત રત્ન માટે મોકલવામાં આવે. મુખ્યપ્રધાને બલવીર સિંહને સારવાર માટે 5 લાખ રુપિયા આપ્યા હતા.

94 વર્ષના બલવીર સિંહે લંડન ઓલ્મપિક 1948, હેલસિન્ક ઓલ્મિપક-1952 અને મેલબર્ન ઓલ્મપિક-1956માં ગોલ્ડ મેડલ જીતનારી ભારતીય ટીમનો ભાગ હતા. મેલબર્ન ઓલ્મપિકમાં ટીમના કેપ્ટન અને ભારતીય ઓલ્મિપક દળના ધ્વજાવાહક હતા. 1975માં વર્લ્ડ કપ જીતનારી ટીમના મેનેજર પણ હતા.