ભારતીય ટીમની કેસરી જર્સી પર રાજકારણ ગરમાયું , ICCએ કરી સ્પષ્ટતા

સ્પોર્ટસ ડેસ્ક : સામાન્ય રીતે ભારતીય ટીમની જર્સીનો રંગ વાદળી છે. પરંતુ ઈંગ્લેન્ડ વિરુદ્ધ રમાનારી મેચમાં ભારતીય ટીમ કેસરી રંગની નવી જર્સીમાં જોવા મળશે. જેને લઈ ક્રિકેટ વર્લ્ડ કપમાં ટીમ ઈન્ડીયાનો કેસરી રંગની જર્સી પર રાજકારણ ગરમાયું છે. મહારાષ્ટ્રના મુસ્લિમ નેતાએ ભારતીય ટીમની કેસરી રંગની જર્સીને લઈ આરોપ લગાવી રહ્યા છે.

ભારતીય ક્રિકેટ ટીમ ઇંગ્લેન્ડ વિરુદ્ધ રમાનારી મેચમાં કેસરી રંગની જર્સીમાં જોવા મળશે. જેનો કોંગ્રેસ અને સમાજવાદી પાર્ટીના નેતાઓ વિરોધ કરી રહ્યા છે. કોંગ્રેસ નેતા નસીમ ખાને કહ્યુ કે, મોદી સરકાર સત્તા પર આવી છે, ત્યારથી ભગવા રાજકારણ શરુ થયું છે. રાષ્ટ્રઘ્વજનું સન્માન થવું જોઈએ પરંતુ અહી સરકાર દરેક વસ્તુને ભગવાકરણ તરફ લઈ જઈ રહી છે.

મહારાષ્ટ્રના કોંગ્રેસના ધારાસભ્ય એમએ ખાને કહ્યુ કે, મોદી સરકાર છેલ્લા 5 વર્ષથી દરેક વસ્તુને અલગ નજરથી દેખાડવાનો પ્રયત્ન કરી રહી છે.

સમાજવાદી પાર્ટીના ધારાસભ્ય અબૂ આઝમીએ કહ્યું કે, " PM નરેન્દ્ર મોદી સમગ્ર દેશને કેસરી રંગમાં રંગવા માગે છે, પરંતુ રાષ્ટ્રઘ્વજને રંગ આપનાર મુસ્લિમ હતો. રાષ્ટ્રઘ્વજમાં અન્ય કલર પણ છે. તો માત્ર કેસરી જ કેમ ? રાષ્ટ્રઘ્વજના રંગમાં ટીમની જર્સી હોય તો સારું રહેશે.

ભારતીય ક્રિકેટ ટીમની જર્સીનો કેસરી રંગ પર કેન્દ્રીય પ્રધાન રામદાસ આઠવલે કહ્યુ કે, કેસરી રંગ બૌદ્ધ ધર્મના ભિક્ષુકોના કપડા પણ છે. આ બહાદુરી અને વિજ્યનો રંગ છે. જેની કોઈને કોઈ મુશ્કેલી થવી જોઈએ નહી.

ICCએ કરી સ્પષ્ટતા

ICCએ BCCIને રંગનાં કેટલાક વિકલ્પ આપવામાં આવ્યા હતા. અને તેમણે એ પસંદ કર્યો જે તેમને સારો લાગ્યો. કારણ કે, ઇંગ્લેન્ડની ટીમ પણ ભારતીય ટીમની જેમ વાદળી રંગની જર્સી પહેરે આ ડિઝાઈન ભારતની જૂની T 20 જર્સીમાંથી લેવામાં આવ્યો છે. જેમાં કેસરી રંગ હતો.

ICCએ કહ્યુ કે, આ જર્સીના ડિઝાઈનર અમેરિકામાં છે. તેમણે કેટલાક નવા રંગનો ઉપયોગ કર્યો છે. જર્સીની ડિઝાઈન દરમિયાન એ પણ ધ્યાન રાખવામાં આવ્યુ કે, ક્રિકેટપ્રેમીઓ ટીમ ઈન્ડીયાના ખેલાડીઓને ઓળખવામાં કોઈ મુશ્કેલી ન થાય.

વર્લ્ડ કપમાં ભારત અને ઇંગ્લેંડ વચ્ચે 30 જૂન, બર્મિંગમમાં મુકાબલો રમાશે. જેમાં ભારતીય ટીમ નવી જર્સીમાં જોવા મળશે.