કરાચી : પાકિસ્તાન ક્રિકેટ ટીમના પૂર્વ કેપ્ટન શાહિદ આફ્રિદીએ હાલમાં જ એક પાકિસ્તાની પત્રકાર સાથેના ઇન્ટરવ્યુમાં કહ્યું કે તેણે ભારતીય ટીમને એટલી મુશ્કેલીમાં મુકી છે કે ટીમ ઇન્ડિયાએ બાદમાં માફી પણ માગી હતી.
ભારત વિરૂદ્ધ 67 વન ડે અને 8 ટેસ્ટ મેચ રમેલા ઓલરાઉન્ડર શાહિદ આફ્રિદીએ કહ્યું કે ટીમ ઇન્ડિયા વિરૂદ્ધ મેચ પહેલા હંમેશા તેને ટીમમાંથી પડતો મુકવામાં આવતો હતો. તેને જણાવ્યું કે તેને ક્રિકેટ કેરીયરમાં ભારત અને ઓસ્ટ્રેલિયા વિરૂદ્ધ મેચ રમીને મજા આવતી હતી.
વધુમાં આફ્રિદીએ જણાવ્યું કે, 'મેં હંમેશા ભારત વિરૂદ્ધ રમીને આનંદ લીધો છે. અમે કેટલીક વાર તેને હરાવ્યા છે. તેને મજાક કરતા કહ્યું કે અમે તેને એટલી વાર હરાવ્યા છે કે બાદમાં તે આવીને અમારી પાસે માફી માગી લેતા હતાં. મે ભારત અને ઓસ્ટ્રેલિયા વિરૂદ્ધના મેચમાં આનંદ જ લીધો છે, એ મેચમાં પ્રેશર હોય છે.
