ટ્રેલરમાં એક એવી ડરામણી દુનિયાની ઝલક જોવા મળી છે. જેમાં હુમા તેની પુત્રીની શોધમાં લાગી છે. હુમાએ વેબ સીરીઝમાં પાવરફુલ રોલ નિભાવ્યો છે. તેમજ તેનું પરફૉમર્સ ખૂબ જ શાનદાર છે. સોશિયલ મીડિયા પર ટ્રેલરને સારો રિસ્પોન્સ મળી રહ્યો છે.
વેબ સીરીઝમાં હુમા, શાલિનીનું પાત્ર નિભાવી રહી છે. જે પરફેક્ટ હેપી લાઈફ જીવી રહી છે. પરંતુ તેમની ખુશી વધુ સમય ટકી શકતી નથી. ખરાબ સમય ઝડપી શાલિનીની જીંદગીમાં આવે છે અને તેમની પુત્રી અને પતિને છીનવી લે છે.
શાલિનીની પુત્રી લીલાને કિડનેપ કરવામાં આવે છે. સીરિઝમાં શાલિની તેની પુત્રી લીલાને શોધવાની કોશિશ કરે છે. કહાનીમાં ચઢાવ-ઉતાર આવે છે. શાલિનીની લાઈફમાં ડ્રાસ્ટિક ટ્રાંસફૉર્મેશન આવે છે. વેબ સીરિઝમાં જોવા મળે છે કે, શાલિનીની ભૂલ મુસ્લિમ છોકરા સાથે લગ્ન કરવાની છે. જે શહેરમાં શાલિની રહે છે, ત્યાં આ વસ્તુને ક્રાઈમ માનવામાં આવે છે. શાલિનીને તેની સજા ભોગવવી પડે છે. વેબ સીરીઝને 6 એપિસોડમાં સ્ટ્રીમ કરવામાં આવશે.
નેટફ્લિક્સે લીલાના ટ્રેલરને ટ્વિટર પર શેર કર્યુ છે. ટ્રેલર શેર કરતા કેપ્શનમાં લખ્યું છે કે, Welcome to the world of Unnati. Are you pure? #Leila, premieres 14th June. વેબ સીરિઝની સ્ટોરી પ્રયાગ અકબરની બુક લીલા પર આધારિત છે.
હુમા કુરૈશી જૌલી LLB 2, ગેગ્સ ઓફ વાસેપુર જેવી શાનદાર ફિલ્મોમાં જોવા મળી છે.
