હુબેઇઃ ચીનમાં લોકો કોરોના વાયરસથી બચવા માટે માસ્કનો ઉપયોગ કરે છે. સવારથી લઈને સાંજ સુધી દરેક લોકો આ ખાસ પ્રકારના માસ્કમાં જોવા મળે છે. જે વાયરસથી બચવામાં મદદરૂપ બને છે. એટલે હાલ ચીનમાં આ માસ્કમાં દિવસેને દિવસે વધારો નોંધાયો છે. એક ખાનગી સ્થાનિક મીડિયાના સર્વે પ્રમાણે, આશરે 500,000 તબીબી કર્મચારીઓ કાર્યરત છે. જેમને વારંવાર માસ્ક બદલવાની જરૂરિયાત રહે છે. જેથી તબીબી વ્યાવસાયિકો માટે દરરોજ એકલા હુબેઇમાં લગભગ 2 મિલિયન માસ્કની જરૂર પડે છે. બીજી તરફ મોં પર સતત માસ્ક રહેતું હાવાથી તેની આડ અસર પણ થઈ રહી છે.
ઉલ્લેખનીય છે કે, આજે કોરોના વાયરસથી બચવા માટેનો એકમાત્ર સહારો આ માસ્ક છે. જેથી ચીનના દરેક લોકો સવારથી સાંજ સુધી આ માસ્ક પહેરી રાખે છે. જેના કારણે તેમના ચહેરા પર સ્ટ્રેચીઝ પડી જાય છે. તેમજ તેમને શ્વાસ લેવામાં તકલીફ થાય છે. તેમ છતાં પોતાના જીવનને બચાવવા માટે ચીનવાસીઓ માસ્ક પહેરવા મજબૂર બન્યા છે.
ચીનમાં સામાન્ય રીતે પ્રતિદિન "લગભગ 20 મિલિયન માસ્ક"નું ઉત્પાદન થાય છે. જે વૈશ્વિક સ્તરે ઉત્પન્ન થતી સંખ્યાની અડધા જેટલું છે. જો કે, ચાઇનીઝ નવા વર્ષની રજા અને કોરોના વાયરસ ફાટી નીકળવાના કારણે આ ઉત્પાદન લગભગ 10 કરોડ જેટલું નોંધાયું છે. ચિંતાજનક એ છે કે, એન -95 મોડેલ જેવા 'ઉચ્ચ ગુણવત્તાવાળા' માસ્કનું દૈનિક ઉત્પાદન ફક્ત 600,000ની આસપાસ છે. આવા માસ્ક કોરોના વાયરસને રોકવામાં સૌથી અસરકારક સાબિત થયાં છે.
ઝેજિયાંગ પ્રાંતે "27 જાન્યુઆરીએ અહેવાલ આપ્યો કેે, ત્યાં દરરોજ આવા મિલિયન માસ્કની જરૂર છે અને અન્ય પ્રાંતોએ કહ્યું છે કે, તેઓ ફક્ત આ ઉચ્ચ-ગુણવત્તાવાળા માસ્કની માંગ પૂરી કરવા માટે સક્ષમ છે. વધુમાં હોસ્પિટલોમાં આનો મોટો સંગ્રહ નથી. માસ્ક મોટા ભાગના કિસ્સાઓમાં ફક્ત બે અઠવાડિયા ચાલે છે. જેથી લોકોની જરૂરિયાત વધી છે. આમ, ચીને 24 જાન્યુઆરીથી 2 ફેબ્રુઆરી દરમિયાન 220 મિલિયન ફેસ માસ્ક ખરીદ્યા હતા, જેમાં દક્ષિણ કોરિયા સહિત અનેક દેશો પણ માસ્ક ચીનમાં સપ્લાય કર્યા હતા. આ રીતે ચીનમાં વધતાં માસ્ક ઉપયોગના કારણે બજારમાં માસ્કની અછત વર્તાઈ રહી છે.
