મુંબઈ: સુપરસ્ટાર શાહરુખ ખાન સ્ટારર 'જવાન'નું પ્રમોશન પૂરજોશમાં શરુ થઈ ગયું છે. હવે શાહરુખની 'જવાન' ફિલ્મને સિનેમાઘરોમાં રિલીઝ થવા માટે એક મહિના કરતા પણ ઓછો સમય રહ્યો છે. આ દરમિયાન શાહરુખ ખાને તેમની આગામી ફિલ્મનું નવું ગીત 'ચલેયા'નું ટીઝર શેર કર્યું છે. અગાઉ નિર્મતાઓએ 'જવાન'નું પ્રથમ સોન્ગ 'ઝિંદા બંદા' રિલીઝ કર્યું હતું.
શાહરુખ ખાને ચલેયા ગીતનું ટીઝર રિલીઝ કર્યું: શાહરુખ ખાને રવિવારે તેમના સત્તાવાર ટ્વિટર પર તેમની ફિલ્મ 'જવાન'માંથી તેમનું નવું ગીત 'ચલેયા'નું ટીઝર રિલીઝ કર્યું છે. ગીતમાં કિંગ ઓફ રોમાન્સ ટોલીવુડ અભિનેત્રી નયનતારા સાથે રોમાન્સ કરતા જોવા મળી રહ્યા છે. ગીતનું ટીઝર ત્રણ અલગ અલગ ભાષાઓ હિન્દી, તમિલ અને તેલુગુમાં રિલીઝ કરવામાં આવ્યું છે. ટીઝર શેર કરતા કિંગ ખાને કેપ્શનમાં લખ્યું છે કે, ''પ્રેમ તમારા દિલનો રસ્તો શોધી લેશે. ચલેયા તેરી ઔર.'' 'ચલેયા' 'હેયોડા' અને 'ચલોના'. ગીતો આવતી કાલે રિલીઝ થશે. 'જવાન' તારીખ 7 સપ્ટેમ્બર 2023ના રોજ હિન્દી, તમિલ અને તલુગુમાં વિશ્વરમાં રિલીઝ થશે.
ચલેયા ગીતમાં શાહરુખ-નયનતારાની કેમેસ્ટ્રી: વીડિયોમાં શાહરુખ ખાન નયનતારા સાથે ક્રૂઝની ટોચ પર ડાન્સ કરતા જોઈ શકાય છે. બીજા સેગમેન્ટમાં કિંગ એક ગ્રુપ સાથે ડાન્સ કરતા જોવા મળે છે. શાહરુખ ખાન અલગ અલગ આઉટફિટ્સમાં જોવા મળી રહ્યાં છે. જ્યારે નયનતારા ફ્લોરલ આઉનમાં જોવા મળી રહી છે. આ ગીતનું હિન્દી વર્ઝન અરિજિત સિંહ અને શિલ્પા રાવે ગાયું છે. શાહરુખ ખાન અને નયનતારાના નવા ગીત તારીખ 14 ઓગસ્ટના રોજ રિલીઝ થશે. તારીખ 7 સપ્ટેમ્બરના રોજ આ ફિલ્મ સિનેમાઘરોમાં જોવા મળશે.
