નવી દિલ્હી: શાહરૂખ ખાન સ્ટારર ફિલ્મ 'જવાન'ની ક્લિપ લીક થયા બાદ દિલ્હી હાઈકોર્ટે મંગળવારે સોશિયલ મીડિયા પ્લેટફોર્મ, વેબસાઈટ, કેબલ ટીવી આઉટલેટ્સ, ડાયરેક્ટ-ટુ-હોમ સેવાઓ અને અન્ય વિવિધ પ્લેટફોર્મને લીક થયેલી ક્લિપને દૂર કરવાનો આદેશ આપ્યો છે. તેમજ હાઈકોર્ટે તેમનો ફેલાવો રોકવાનો નિર્દેશ આપ્યો હતો. શાહરૂખ ખાન અને તેની પત્ની ગૌરી ખાનના પ્રોડક્શન હાઉસ રેડ ચિલીઝ એન્ટરટેઈનમેન્ટ પ્રાઈવેટ લિમિટેડે આ મામલે દિલ્હી હાઈકોર્ટમાં કેસ દાખલ કર્યો હતો.
આ પણ વાંચો: Tamannaah Vijay Date: તમન્ના ભાટિયા વિજય વર્મા સાથે ડિનર ડેટ પર જોવા મળી, યુઝર્સ પ્રતિક્રિયા આપી રહ્યાં છે
દિલ્હી હાઈકોર્ટેનો આદેશ: જસ્ટિસ સી. હરિ શંકરની આગેવાની હેઠળની દિલ્હી હાઈકોર્ટની બેંચે મંગળવારે યુટ્યુબ, ગૂગલ, ટ્વિટર અને રેડિટ જેવી સોશિયલ મીડિયા સાઇટ્સને ફિલ્મની કોપીરાઈટ સામગ્રીના પ્રસારને રોકવા માટે પગલાં લેવા નિર્દેશ આપ્યો હતો. કોર્ટે અનેક ઈન્ટરનેટ સેવા પ્રદાતાઓને એવી વેબસાઈટની ઍક્સેસને પ્રતિબંધિત કરવાનો આદેશ આપ્યો છે, જે ફિલ્મના ફૂટેજને જોવા અથવા ડાઉનલોડ કરવા માટે ઉપલબ્ધ કરાવે છે. અરજદારના જણાવ્યા અનુસાર ફિલ્મ સાથે જોડાયેલા બે વીડિયો સોશિયલ મીડિયા પર લીક થયા હતા. જેમાં એકમાં શાહરૂખ ખાન ફાઈટ સીન અને બીજામાં ડાન્સ સીન બતાવવામાં આવ્યો હતો.