ગાંધીનગર : રુપાલના વરદાયિની ટ્રસ્ટના ટ્ર્સ્ટી અને આગેવાન નીતિન પટેલે રૂપાલની પલ્લી બાબતે સ્પષ્ટપણે જણાવ્યું હતું કે આ વર્ષે પણ રૂપાલની પલ્લી યોજવામાં આવશે. પરંતુ વર્તમાન પરિસ્થિતિને ધ્યાનમાં લઈને બહારથી કોઈને પણ આમંત્રણ આપવામાં આવશે નહીં. ફક્ત ગણતરીની સંખ્યામાં જ લોકો પલ્લીમાં હાજર રહેશે. જ્યારે દર વર્ષે જે રીતે ઘીની નદીઓ રૂપાલ ગામમાં પલ્લી દરમિયાન થાય છે ત્યારે આ વર્ષે રૂપાલની પલ્લીમાં ઘીનો ઉપયોગ નહીં કરવામાં આવે. જે રીતે દર વર્ષે મેળો ભરાય છે તે મેળો રદ કરવામાં આવ્યો છે. આ સમગ્ર બાબતે સ્થાનિક તંત્રને કલેકટરને પણ જાણ કરવામાં આવી છે. જ્યારે કલેકટર બેઠક માટે બોલાવશે ત્યારે બેઠકમાં પણ સમગ્ર આયોજનની બ્લુ પ્રિન્ટ આપવામાં આવશે.
પલ્લી તો યોજાશે પણ આયોજન અલગ રહેશે
