ગુજરાતમાં 50 ટકા વરસાદ, 14 જળશયો એલર્ટ પર - 14 જળાશયોમાં 90 ટકા પાણી

સપ્ટેમ્બર માસના શરૂઆતના દિવસોમાં વરસાદે ફરીથી બેટિંગ કરતાં રાજ્ય સરકાર અને રાજ્યના ખેડૂતોને હાશકારો મળ્યો છે. વરસાદની બીજી ઇનિંગના કારણે ખેડૂતોના ઊભા પાકને પણ નવું જીવન પ્રાપ્ત થયું છે.

• રાજ્યમાં વરસાદ નોંધાતા પાણીની અછત દૂર થવાની સંભાવના
• રાજ્યના તમામ ડેમોમાં થઈ પાણીની આવક
• 14 ડેમ એલર્ટ અને 14 ડેમમાં 90 ટકા સુધી પાણીનો સંગ્રહ થયો
• સરદાર સરોવરમાં 3 દિવસમાં 2 ટકા પાણીનો જથ્થો વધ્યો

ગાંધીનગર: ગુજરાતમાં ઓગસ્ટ માસના અંત સુધીમાં 45 ટકાની આસપાસ જ વરસાદ પડ્યો હતો, ત્યારે સપ્ટેમ્બર માસના શરૂઆતના દિવસોમાં વરસાદે ફરીથી બેટિંગ કરતાં રાજ્ય સરકાર અને રાજ્યના ખેડૂતોને હાશકારો મળ્યો છે. વરસાદની બીજી ઇનિંગના કારણે ખેડૂતોના ઊભા પાકને પણ નવું જીવન પ્રાપ્ત થયું છે. રાજ્યમાં સારો વરસાદ પડતાં તમામ જળાશયોમાં પાણીની આવક થઇ છે અને રાજ્યના કુલ 207 જળાશયોમાં 56.65 ટકા પાણીનો જથ્થો નોંધાયો છે.

છેલ્લા 3 દિવસમાં કેટલો જથ્થો વધ્યો

છેલ્લા ત્રણ દિવસથી સમગ્ર રાજ્યમાં દક્ષિણ ગુજરાત, મધ્ય ગુજરાત અને સૌરાષ્ટ્ર એમ તમામ જગ્યાએ વરસાદ સારો પડી રહ્યો છે, ત્યારે છેલ્લા ત્રણ દિવસમાં રાજ્યના 207 જળાશયોમાં વધુ કુલ 4 ટકા પાણીનો સંગ્રહ નોંધાયો છે. આમ સપ્ટેમ્બર માસમાં પડેલા વરસાદથી પાણીનો સંગ્રહ કરવાની શરૂઆત થઇ છે, જ્યારે સમગ્ર રાજ્યમાં કુલ 14 જળાશયો હાઇ એલર્ટ પર મુકાયા છે. સાથે જ 14 જળાશયોમાં 90 ટકા પાણીનો જથ્થો સંગ્રહ થયો છે.

જળાશયોમાં પાણીનું પ્રમાણ

• 14 જળાશયો હાઈ એલર્ટ
• 14 જળશયોમાં 90 ટકા પાણી
• 7 જળશયોમાં 80થી 90 ટકા પાણી
• 17 જળાશયોમાં 70 થી 80 ટકા પાણી
• 168 જળાશયોમાં 70 ટકા પાણીનો સંગ્રહ

ઝોન પ્રમાણે પાણીનો જથ્થો

• ઉત્તર ગુજરાત 15 જળાશયોમાં 23.61 ટકા પાણી
• મધ્ય ગુજરાત 17 જળાશયોમાં 44.67 ટકા પાણી
• દક્ષિણ ગુજરાત 13 જળાશયોમાં 78.50 ટકા પાણી
• કચ્છના 20 જળાશયોમાં 23.26 ટકા પાણી
• સૌરાષ્ટ્રના 141 જળાશયોમાં 46.00 ટકા પાણી
• સરદાર સરોવરમાં 50.48 ટકા પાણીનો જથ્થો ઉપલબ્ધ

વરસાદ આવતા ખેડૂતોના જીવમાં જીવ આવ્યો

રાજ્યમાં ઓગસ્ટ માસના અંત સુધીમાં 45 ટકાની આસપાસ જ વરસાદ પડ્યો હતો

ઓગસ્ટ સુધી રાજ્યમાં વરસાદની ઘટ હતી, જ્યારે રાજ્ય સરકારે પણ ઓગસ્ટ સુધી ખેડૂતોને સિંચાઇનું પાણી આપવા માટેની જાહેરાત કરી હતી. ત્યારબાદ રાજ્યના મુખ્ય પ્રધાન વિજય રૂપાણી દ્વારા પણ ખેડૂતોને પાણી નહીં આપવાની જાહેરાત કરવામાં આવી હતી, ત્યારે ખેડૂતો ચિંતામાં મુકાયા હતા અને ઉભા પાકને નુક્સાન જવાની પણ ભીતિ હતી. આવા સંકટ સમયે સમગ્ર રાજ્યમાં ફરીથી વરસાદ નોંધાતા ખેડૂતોના જીવમાં જીવ આવ્યો હતો અને ઊભા પાકને નવું જીવન મળ્યું હતું.

વધુ વાંચો: રાજકોટ જિલ્લામાં છેલ્લા 24 કલાકમાં વરસાદથી જળાશયોમાં કુલ 36.2 ટકા નવા નીર આવ્યા

વધુ વાંચો: બોટાદમાં ધોધમાર વરસાદ, અંડરબ્રિજમાં ગોઠણસમાં પાણી ભરાતાં પરેશાની