Rainfall forecast: રાજ્યમાં 18-20 ઓગસ્ટ સુધી અનેક જિલ્લામાં સારા વરસાદની શકયતા

રાજ્યમાં ખેડૂતો વરસાદની રાહ જોઈ રહ્યાં છે. વરસાદ (Rain) ખેંચાતા ખેડૂતોને પોતાનો પાક સુકાવાનો ભય છે. છેલ્લા ઘણા દિવસથી રાજ્યમાં વરસાદ (Rain) થયો નથી. હવામાન વિભાગની આગાહી પ્રમાણે રાજ્યમાં ફરી ચોમાસુ સક્રિય થઈ શકે છે. આજથી એટલે કે 17 ઓગસ્ટથી રાજ્યમાં વરસાદ થાય તેવી શક્યતા છે. તો 18- 20 ઓગસ્ટ સુધી રાજ્યના અનેક જિલ્લામાં સારા વરસાદ (Rain) ની આશા વ્યક્ત કરવામાં આવી રહી છે.

• વરસાદને લઈને હવામાન વિભાગની આગાહી
• આગામી 5 દિવસ રાજ્યમાં સામાન્યથી મધ્યમ વરસાદની શકયતા
• સૌરાષ્ટ્રમાં ભાવનગર, કચ્છ, ગીર સોમનાથમાં મધ્યમ વરસાદની સંભાવના

અમદાવાદ: આગામી 18 ઓગસ્ટ સુધીમાં લો પ્રેશર સર્જાઇ રહ્યું છે. જે હવે પશ્ચિમ તરફ આગળ વધી શકે છે. જેના પગલે ગુજરાતમાં લાંબા વિરામ બાદ મેઘરાજાનું પુનઃ આગમન થઇ શકે છે. હવામાન વિભાગ (Meteorological Department) ના મતે ગુરુવારે નર્મદા-ડાંગ-નવસારી-વલસાડ-તાપી-દમણમાં ભારે, અમદાવાદ-ગાંધીનગર-મહીસાગર-આણંદ-સાબરકાંઠા-અરવલ્લી-દાહોદ-પંચમહાલ-ખેડામાં મધ્યમ, શુક્રવારે ડાંગ-નવસારી-વલસાડ-તાપી-દમણમાં ભારે, અમદાવાદ-ગાંધીનગર-મહીસાગર-સાબરકાંઠા-અરવલ્લીમાં મધ્યમ જ્યારે શનિવારે ભરૂચ-સુરત-વલસાડ-તાપીમાં ભારે, સૌરાષ્ટ્ર-ઉત્તર ગુજરાતના મોટા ભાગના જિલ્લામાં મધ્યમ વરસાદ પડશે. કેટલાંક જિલ્લામાં આગામી ગુરુવારથી શનિવાર 41 થી 61 કિલોમીટર પ્રતિ કલાકની ગતિએ પવન પણ ફૂંકાઇ શકે છે.

આ પણ વાંચો: Rainfall forecast: હવામાન નિષ્ણાંત અંબાલાલ પટેલે આજથી દક્ષિણ ગુજરાતમાં વરસાદ પડવાની કરી આગાહી

આગામી ગુરુવારથી શનિવાર દરમિયાન ભારેથી અતિભારે વરસાદની આગાહી

ગુજરાતમાંથી મેઘરાજાએ છેલ્લા બે સપ્તાહથી વિરામ લઇ લીધો છે. રાજ્યમાં હજુ સુધી 12.26 ઈંચ સાથે મોસમનો સરેરાશ માત્ર 37.09 ટકા વરસાદ નોંધાયો છે. હાલ ગુજરાતમાં વરસાદની 48 ટકા ઘટ છે. વરસાદ ખેંચાતાં ખેડૂતોમાં ચિંતાના વાદળો ઘેરાવવા લાગ્યા છે. રાહતની વાત એ છે કે, ગુજરાતમાં હવે ફરી ચોમાસું જામી શકે છે. હવામાન વિભાગ (Meteorological Department) ની આગાહી અનુસાર ગુજરાતના મોટાભાગના જિલ્લાઓમાં આગામી ગુરુવારથી શનિવાર દરમિયાન ભારેથી અતિભારે વરસાદ પડી શકે છે.

આ પણ વાંચો: ઉપરવાસમાં નહિવત વરસાદથી બનાસકાંઠાના ત્રણેય જળાશયોના દેખાયા તળિયા