મુંબઈ: દેશની સૌથી મોટી બેન્ક સ્ટેટ બેન્ક ઑફ ઈન્ડિયા (એસબીઆઈ)એ બુધવારે કહ્યું કે, તેણે ટૂંકા ગાળાના દેવા(લોન) પર ફંડના સીમાંત ખર્ચ આધારિત વ્યાજ દર (એમસીએલઆર)માં 0.05થી 0.10 ટકાનો ઘટાડો કર્યો છે. આ કપાત 10 જુલાઈથી લાગુ થશે.
એસબીઆઈ દ્વારા જાહેર કરવામાં આવેલા નિવેદનમાં એમ કહેવામાં આવ્યું છે કે, એમસીએલઆરમાં આ ઘટાડો ત્રણ મહિના માટે અપાયેલી લોનને લાગુ પડશે. તેનો હેતુ લોન અને માંગનમાં વધારો કરવાનો છે.
એમસીએલઆરમાં આ કપાત બાદ, ત્રણ મહિનાના સમયગાળા માટે લોન પર બેન્કનો વ્યાજ દર વાર્ષિક ઘટીને 6.65 ટકા થઇ જશે. આ દર બેન્કના બાહ્ય બેંચમાર્ક આધારિત વ્યાજ દર (EBLR)ની બરાબર થઇ ગઇ છે.
સ્ટેટ બેન્કના એમસીએલઆર રેટમાં આ સતત 14 મો ઘટાડો છે. આ કપાત બાદ પણ આ દર બજારમાં સૌથી નીચો છે.
