મધ્યપ્રદેશના ઈન્દોરમાં શીતલામાત બજારમાં તંત્ર દ્વારા રસ્તાને 60 ફૂટ પહોળો કરાશે. જેના કારણે અનેક દુકાનોનો અમુક ભાગ તોડવો પડશે. જેથી આ કામગીરીથી વેપારીઓમાં નારાજગી પેદા થઈ છે. તંત્રની કાર્યવાહી સામે વેપારીઓએ ત્રણ દિવસ સુધી દુકાનો બંધ રાખી વિરોધ દર્શાવ્યો હતો. વેપારીઓને ભાજપ તરફે મતદાન કરવાનો પસ્તાવો થઈ રહ્યો છે. આ માટે તેમણે 'કમલ કા ફૂલ, હમારી ભૂલ' લખેલા પોસ્ટર દુકાનો બહાર લગાવ્યા હતાં.
વેપારીઓએ જણાવ્યુ હતુ કે, આ કામગીરીના વિરોધમાં તેમણે ઉચ્ચ કક્ષાએ રજુઆત કરી હતી. આવેદનપત્ર પણ પાઠવ્યુ હતું. છતાં કોઈ પરિણામ મળ્યુ નથી. જેના કારણે તેમને આ રીતે વિરોધ કરવાની ફરજ પડી છે. જો નિરાકરણ નહીં આવે તો હવે દુકાનો ખોલીને પોસ્ટરો લગાવશે.
