વડાપ્રધાન નરેન્દ્ર મોદી થાઈલેન્ડની મુલાકાતે પહોંચ્યા છે. મોદી બેંગકોકમાં સ્વાસ્દી મોદી કાર્યક્રમમાં ઉપસ્થિત હતાં. જ્યા તેઓએ ત્યાંના ભારતીય સમુદાયનું સંબોધન કર્યુ હતું.
PM મોદીના સંબોધનના મુખ્ય અંશ
- થોડીવાર પહેલા જ ભારતના બે મહાન સપૂતો, બે મહાન સંતો સાથે જોડાયેલા સ્મારક ચિહ્નો જાહેર કરવાનો પ્રસંગ સાંપડ્યો. મને યાદ છે કે 3-4 વર્ષ પહેલા સંત થિરુ વલ્લુવરની મહાન કૃતિ થિરુક્કુરાલના ગુજરાતી અનુવાદને લૉન્ચ કરવાનો પણ લ્હાવો મળ્યો હતો.
- 2022 સુધી દરેક ગરીબને પાક્કુ મકાન આપવા માટે પૂરતા પ્રયત્ન કરવામાં આવી રહ્યા છે. મને વિશ્વાસ છે કે ભારતની આ ઉપલબ્ધીઓ વિશે સાંભળી તમે ગદગદીત થઈ જાઓ છો.
- વીતેલા 5 વર્ષમાં અમે દરેક ભારતીયોના બેન્કમાં ખાતા ખોલાવ્યા. વિજળીના કનેક્શન આપ્યા અને હવે દરેક ઘરે જરૂરી પાણી પહોંચાડવાનું કાર્ય કરી રહ્યા છે. 8 કરોડ ઘરોમાં અમે 30 વર્ષથી ઓછા સમયમાં મફત LPG ગેસ કનેક્શન આપ્યા છે. આ સંખ્યા થાઈલેન્ડની વસ્તીથી વધારે છે.
- હાલમાં જ ગાંધીજીની 150મી જન્મજયંતિ પર ભારતને ખુલ્લામાં શોચ મુક્ત જાહેર કરાયું. એટલું જ નહીં આજે ભારતના ગરીબથી ગરીબના રસોડાને સ્મોક ફ્રી કરાયું છે.
- ભારત 6 દશકા બાદ પહેલી એવી સરકાર છે, જે ફરીથી બહુમતિ સાથે ચૂંટાઈ છે. તેનું કારણ છેલ્લા પાંચ વર્ષની ઉપ્લબ્ધિઓ છે.
- ભારતમાં પ્રથમવાર મહિલા મતદારોની સંખ્યા પુરૂષોને સમકક્ષ રહી છે.
- આ વર્ષે સામાન્ય ચૂંટણીમાં ઈતિહાસમાં સૌથી વધુ 60 કરોડ મતદારોએ મતદાન કર્યુ
- 130 કરોડ ભારતીયો ન્યુ ઈન્ડિયા બનાવી રહ્યાં છે.
- છેલ્લા પાંચ વર્ષમાં મેં ઘણાં દેશોનો પ્રવાસ કર્યો. દરેક જગ્યાએ ભારતીય સમુદાયને મળવાનો પ્રયત્ન કરું છું.
- સ્વાસ્દીનો સંબંધ સંસ્કૃતના શબ્દ સ્વસ્તિ સાથે છે. જેનો અર્થ છે, સુ પ્લસ અસ્તિ, એટલે કે કલ્યાણ, એનો અર્થ એ થયો કે તમારૂ કલ્યાણ થાય, અભિવાદન થાય, આસ્થા થાય, આપણને દરેક તરફ સંબંધોના ઉંડા નિશાન મળે છે.
- ભારતની અયોધ્યા નગરી, થાઈલેન્ડમાં આ-યુથ્યા થઈ જાય છે. જે નારાયણે અયોધ્યામાં અવતાર લીધો, તેમના પાવન પવિત્ર વાહન ગરૂડ પ્રતિ થાઈલેન્ડમાં અપાર શ્રદ્ઘા છે.
- આ સંબંધો સરકાર સાથે નથી, આપણે આ સંબંધ બનાવ્યા જ નથી, આ સંબંધો તો ઈતિહાસે બનાવ્યા છે.
- પ્રાચીન સુવર્ણભૂમિ, થાઈલેન્ડમાં આપ સૌની વચ્ચે છું તો લાગતુ નથી કે વિદેશમાં હોવ. આ માહોલ, આ વેશભૂષા સંપૂર્ણ રીતે પોતાનાપણાનો અહેસાસ કરાવે છે, પોતાના પણુ છલકાય છે.
વડાપ્રધાન મોદી ત્રણ દિવસીય થાઈલેન્ડ પ્રવાસે છે, તે દરમિયાન તેઓ દક્ષિણ-પૂર્વ એશિયાઈ રાષ્ટ્રોના સંગઠન (આસિયાન)-ભારત, પૂર્વી એશિયા અને ક્ષેત્રીય વિસ્તૃત આર્થિક ભાગીદારી સમિત સંમેલનમાં ભાગ લેશે.
