કેજરીવાલે નામાંકન પહેલા રોડ-શો કર્યો હતો. આ રોડ શોમાં હજારોની સંખ્યામાં લોકો અને પાર્ટીના કાર્યકર્તાઓએ ભાગ લીધો હતો. જેનો પોકેટ ચોરોએ ફાયદો ઉઠાવ્યો છે. દિલ્હી રોડ શોનું કવરેજ કરવા આવેલા પત્રકારો પર પણ ખિસ્સા કાતરુંઓએ હાથ સાફ કર્યો છે. ખિસ્સા કાતરુંઓએ મોબાઈલ, રોકડ સહિતની ચોરી કરી છે. સૌથી વધુ ફરિયાદ મંદિર માર્ગ, કનૉટ પ્લેસ અને સંસદ માર્ગની પોલીસને મળી છે. હજુ પણ ચોરીની ફરિયાદમાં વધારો થઈ શકે છે.
અરવિંદ કેજરીવાલ નામાંકન દાખલ કરવા મંદિર માર્ગ વાલ્મિકી મંદિરથી નીકળ્યા હતા, આ રોડ શો દરમિયાન હજારોની સંખ્યામાં લોકો જોડાયા હતા, ત્યારે ખિસ્સા કાતરુંઓએ ભીડનો લાભ ઉઠાવ્યો હતો. આ સમગ્ર મામલે પોલીસે તપાસ હાથ ધરી છે. પોલીસે જણાવ્યા અનુસાર, આ સમગ્ર ઘટનામાં કોઈ ગેંગનો સામેલ હશે.
