તિરૂવનંતપુરમ : શનિવારે રાજ્યમાં નવા 54 કેસ સામે આવ્યા છે. જેના પગલે સંક્રમિતોની કુલ સંખ્યા 1342 પર પહોંચી છે. જે સમગ્ર માહિતી રાજ્યના આરોગ્ય પ્રધાન કે. શૈલજાએ આપી હતી.
આ તકે આરોગ્ય પ્રધાને જણાવ્યું હતું કે, 54માંથી 23 વિદેશથી, 25 બીજા રાજ્યમાંથી અને 7 સ્થાનિક લોકોના કોરોના કેસ સામે આવ્યા છે. આ વચ્ચે રવિવાર સુધીમાં રાજ્યમાં 1101 લોકો સ્વસ્થ થયા છે.
ઉલ્લેખનિય છે કે, રાજ્યમાં 2,42,767 લોકો ઘરમાં જ્યારે 2023 લોકો હોસ્પિટલમાં ક્વોરન્ટાઇન હેઠળ છે. આ દિવસોમાં વધુ 6 હોટસ્પોટ વિસ્તારોનો ઉમેરો થયો છે. જેના પગલે કુલ 122 વિસ્તારો હોટસ્પોટમાં નોંધાયા છે.
