કોઇ મારી ધરપકડ કરી શકે તેમ નથીઃ બાબા રામદેવ

બાબા રામદેવનો એક વીડિયો સામે આવ્યો છે. આ વીડિયો એ સમયનો છે જ્યારે બાબા રામદેવ દેશના ઉદ્યોગો સાથે સંકળાયેલા પદાધિકારીઓ સાથે વાત કરી રહ્યાં હતાં. આ વાતચીત દરમિયાન બાબા એવું કહેતાં સંભળાઇ રહ્યાં છે કે કોઇના બાપમાં દમ નથી જે રામદેવની ધરપકડ કરી શકે.

• બાબા રામદેવનો વાઈરલ વીડિયો ચર્ચામાં
• ઔદ્યોગિક પદાધિકારીઓ સાથે વાત કરતાં બાબાએ આપ્યું હતું નિવેદન
• 'કોઇ તેમની ધરપકડ કરી શકે તેમ નથી'

દહેરાદૂન- સતત વિવાદોમાં ઘેરાયેલા યોગગુરુ સ્વામી રામદેવ એક પછી એક વાયરલ થઇ રહેલાં નિવેદનો પછી હેડલાઇન્સમાં છે. બાબાના નિવેદનો ડૉક્ટરોનો શૂળની જેમ ખૂંચી રહ્યાં છે. આ જ કારણ છે કે આઈએમએ યોગગુરુ બાબા રામદેવની સામે પડ્યું છે. દેશના તમામ ડોકટરોએ બાબા રામદેવ સામે મોરચો ખોલીને કાનૂની નોટિસ આપી છે. આમ છતાં પણ બાબા અટકવાના મૂડમાં નથી.

આ પણ વાંચોઃ Cyclone Yaas Live: આજે બંગાળ અને ઓડિશાના સમુદ્ર તટ પર ટકરાશે યાસ વાવાઝોડું

બાબાએ પોતાની આકરી ટીકાઓને લઇને કર્યો હતો વ્યંગ

બાબા રામદેવનો એક વીડિયો સામે આવ્યો છે. આ વીડિયો એ સમયનો છે જ્યારે બાબા રામદેવ દેશના ઉદ્યોગો સાથે સંકળાયેલા પદાધિકારીઓ સાથે વાત કરી રહ્યાં હતાં. આ વાતચીત દરમિયાન બાબા એવું કહેતાં સંભળાઇ રહ્યાં છે કે કોઇના બાપમાં દમ નથી જે રામદેવની ધરપકડ કરી શકે. બાબા કહી રહ્યાં છે કે લોકોનું કામ છે કે સોશિયલ મીડિયા પર કંઇ પણ ટ્રેંડિંગ કરાવી દે. ક્યારેક રામદેવની ધરપકડ તો ક્યારેક ઠગ રામદેવ કહેવાય છે. બાદમાં રામદેવ હસતાંહસતાં કહે છે કે આ બધાંમાં સારી વાત એ છે કે ટ્રેંડિંગમાં હું હંમેશા ટોપ પર રહું છું.

આ પણ વાંચોઃ નવા નિયમોને લઈને વ્હોટ્સએપ પહોંચ્યું દિલ્હી હાઈકોર્ટમાં

બાબા એલોપથી-ડૉક્ટરો અંગેનું નિવેદન પાછું ખેચી ચૂક્યાં છે

આપને જણાવીએ કે બાબાના નિવેદનો બાદ દેશમાં એલોપેથી અને આયુર્વેદને લઇને સંગ્રામ છેડાઈ ગયો છે. આઈએમએએ બાબા રામદેવ પર આ પહેલાં જ 1,000 કરોડ રુપિયાનો માનહાનિ દાવો કરી નોટિસ પાઠવી છે. દેશના આરોગ્યપ્રધાન પણ બાબા રામદેવને એલોપેથી અને તેના ડૉક્ટરો પર આપેલાં નિવેદન માટે માફી માગી લેવા કહી ચૂક્યાં છે. જે બાદ બાબાએ પોતાનું નિવેદન પાછું પણ ખેચ્યું હતું.

ઈટીવી ભારત આ વીડિયોની પુષ્ટિ નથી કરતું કે બાબા રામદેવે આ નિવેદન ક્યા પરિપ્રેક્ષ્યમાં આપ્યું હતું અને ક્યારે આપ્યું હતું.