સુરતના કીમ ગામે મહિલાનું ટ્રેનની અડફેટે મોત, શાકભાજી લઈને આવી રહી હતી ઘરે - woman died by hit train

સુરત: ઓલપાડ તાલુકામાં ટ્રેન અડફેટે વધુ એકનું મોત થયાની ઘટના સામે આવી છે.ઓલપાડના કિમ રેલવે સ્ટેશન નજીક એક મહિલા શાકભાજી લઇને ઘરે જઈ રહી હતી.અને રેલવે ટ્રેક ક્રોસ કરી રહી હતી તે દરમિયાન આવી રહેલ ટ્રેનની અડફેટે ચડી ગઈ હતી.મહિલાને ગંભીર ઈજાઓ થતા તેઓનું ઘટના સ્થળે જ મોત નિપજ્યું હતું.બનાવને પગલે રેલવે વિભાગની ટીમ સ્થળ પર દોડી ગઈ હતી.અને મૃતક મહિલાનો કબજો લઇને તપાસ હાથ ધરી હતી. મૃતક મહિલા કિમ ગામે આવેલ હસ્તિ પાર્ક સોસાયટીની હોવાનું હાજર સૂત્રો પાસેથી જાણવા મળ્યું હતું. ઉલ્લેખનિય છેકે સતત વધતા અકસ્માતને લઇને તંત્ર દ્વારા રેલવે સ્ટેશન પાસે રેલવે ટ્રેક ક્રોસ કરવા માટે સીડીની વ્યવસ્થાઓ કરી છે છતાં ઘણા લોકો સીડીનો ઉપયોગ કરવાને બદલે બ્રિજ નીચેથી ટ્રેક પર ચાલી જતાં હોય છે.અને ઘણીવાર ટ્રેન અડફેટે આવી મોતને ભેટતા હોય છે.