અમરેલી: જિલ્લામાં અવારનવાર સિંહ રસ્તા ઉપર ફરતા દેખાતા જ હોય છે. આ બાબતે એક જ દિવસમાં બે ઘટના સામે આવી છે. જેમાં સિંહના ટોળાના વીડિયો સોશિયલ મીડિયા ઉપર વાયરલ થયા છે. આમ જોવા જઈએ તો હાલ સોશિયલ મીડિયા પર સિંહ ધૂમ મચાવી રહ્યા છે.
આમ, જંગલ વિસ્તારમાંથી ગામડાઓમાં, નેશનલ હાઇવે કે રસ્તો પર સિંહોની અવર જવર જાણે સામાન્ય થઈ ગઈ હોય તેમ લાગે છે. જાફરાબાદ, રાજુલા, સાવરકુંડલા અને ધારી, ખાંભા વિસ્તારમાં સિંહના વિડિઓ વાયરલ થઈ રહ્યા છે અને હવે વધુ 2 વીડિયો સામે આવ્યા છે.
અમરેલી જિલ્લાના ધારી તાલુકાના મોરજર ગામમાં 4 સિંહ શિકાર કરવા આવ્યા હતા. ધારી ગીરના મોરજર ગામે 4 સિંહોએ 1 પશુનો શિકાર કર્યો હતો. આમ, શિયાળાની કડકડતી ઠંડીમાં શિકારની મીજબાની માણતા સિંહો વીડિયોમાં કેદ થયા હતા.
આ ઉપરાંત અમરેલી જિલ્લાના ખાંભા તાલુકાના ગ્રામ્ય વિસ્તારમાં સિંહ શિકાર કરવા આવ્યા હતા. ખાંભાનું નાના બારમણ ગામે સિંહ અને સિંહણ ના આટાફેરા વીડિયો કેદ થયો છે. નાના બારમણ ગામે ગત રાત્રીના પ્રાથમિક શાળા નજીક સિંહ અને સિંહણ આવી ચડતા તેઓ પ્રાથમિક શાળાના સીસીટીવીમાં થયા કેદ થયા હતા.
સિંહ સાથે સાથે હવે દીપડાનો શિકાર કરતા વિડિઓ પણ સામે આવ્યો છે. ખાંભાના વાડીપરા વિસ્તારમાં દીપડાએ વાછરડીનો શિકાર કર્યો હતો જે cctv કેમેરામાં કેદ થયો હતો.
વનવિભાગ રાત્રીનું પેટ્રોલિંગ વધારે તેવી લોકોની માંગ...
CCF આરાધના સાહુએ આ મુદ્દે જણાવ્યું કે, 'સિંહનો વીડિયો અમરેલી જિલ્લામાં વાયરલ થયા છે. સિંહ જંગલ છોડી ગ્રામીણ વિસ્તારોમાં લટાર મારતા થયા છે અને હાલ શિકારની શોધમાં ગ્રામીણ વિસ્તારોમાં આવે છે અને શિકાર કરે છે. અમરેલી વન વિભાગ દ્વારા જંગલ વિસ્તાર થી પસાર થતા સમયે કોઈપણ પ્રકારનો જંગલ વિસ્તારમાં પ્લાસ્ટિકનો કચરો ન નાખવા અપીલ કરવામાં આવી છે. તો સાથે જ જંગલ વિસ્તારમાં કોઈપણ વન્ય જીવ પશુ પક્ષીઓને કોઈપણ પ્રકારનો ખોરાક ન આપવા પણ અપીલ કરવામાં આવી છે.'
આ પણ વાંચો:
