હૈદરાબાદ: મલેશિયાના એક ઘરમાંથી હચમચાવી દેતો વીડિયો સામે આવ્યો છે. સોશિયલ મીડિયા પર વાયરલ થઈ રહેલા આ વીડિયોમાં એક મકાનમાં એક વિશાળકાય અજગર અચાનક છત તોડીને ફ્લોર પર પડી ગયો હતો. ઘણી મહેનત બાદ રેસ્ક્યુ ટીમના સભ્યોએ આ ભયાનક અજગરને કાબુમાં લીધો હતો.
સોશિયલ મીડિયા પર સૌથી વધુ વાયરલ થયેલા એક વીડિયોમાં એક ચોંકાવનારી ઘટના સામે આવી છે. એક વિશાળ કાળો અજગર મલેશિયન પરિવારના લિવિંગ રૂમની છત પરથી નીચે ફ્લોર પર પડતો બતાવવામાં આવ્યો હતો. કહેવામાં આવી રહ્યું છે કે તેનું વજન 80 કિલો હતું. અજગર એટલો લાંબો હતો કે તેનો એક છેડો નીચેની ખુરશીઓ પર હતો અને બીજો છેડો (પૂંછડી) ઉપરની છત પર હતો. પરિવારે આ અંગે રેસ્ક્યુ ટીમને જાણ કરી હતી. અજગર જે છત તોડીને નીચે પડ્યો તે સફેદ રંગની ફોલ્સ સિલિંગ હોવાનું જણાયું હતું.
મલેશિયાના કેમ્પંગ ડ્યુમાં એક પરિવાર સ્તબ્ધ થઈ ગયો જ્યારે પાંચ મીટરનો અજગર તેમની છત તોડીને તેમની ખુરશીઓ પર પડ્યો. આ ડરામણા અજગરને જોઈને પરિવારના સભ્યોને પરસેવો વળી ગયો હતો. ઘરમાં હંગામો મચી ગયો અને પછી કોઈક રીતે રેસ્ક્યુ ટીમને તેની જાણ કરવામાં આવી. રેસ્ક્યુ ટીમે ઘણી મહેનત બાદ આ અજગરને કાબુમાં લીધો હતો. કહેવાય છે કે આ અજગરને સુરક્ષિત જંગલોમાં છોડી દેવામાં આવ્યો હતો.
