મુંબઈ : આજે 26 ઓગસ્ટ, સોમવારના રોજ કારોબારી સપ્તાહના પ્રથમ દિવસે ભારતીય શેરબજાર મજબૂત વલણ સાથે લીલા નિશાન પર ખુલ્યું છે. BSE Sensex ગત 81,086 બંધ સામે 302 પોઈન્ટના ઉછાળા સાથે 81,338 પર ખુલ્યો છે. જ્યારે NSE Nifty પણ ગત 24,823 બંધ સામે 83 પોઇન્ટ વધીને 24,906 પર ખુલ્યો હતો.
જોકે, શરુઆતથી જ બજારમાં ભારે એક્શન નોંધાયું છે. બજારમાં સતત ઉતાર ચઢાવ નોંધાઈ રહ્યો છે. Nifty Bank પણ 51,286 પોઈન્ટ આસપાસ લાલ નિશાનમાં આગળ વધી રહ્યો હતો.
ભારતીય શેરબજાર : આજે 26 ઓગસ્ટ, સોમવારના રોજ ભારતીય શેરબજારના મુખ્ય સૂચકાંક લીલા નિશાન પર ખુલ્યું છે. BSE Sensex ગત 81,086 બંધ સામે 302 પોઈન્ટના ઉછાળા સાથે 81,338 પર ખુલ્યો છે. ત્યારબાદ સતત ઉતાર ચઢાવ વચ્ચે 81,676 પોઈન્ટની ડે હાઈ બનાવી 81,278 સુધી ડાઉન ગયો હતો. જ્યારે NSE Nifty પણ ગત 24,823 બંધ સામે 83 પોઇન્ટ વધીને 24,906 પર ખુલ્યો હતો. નિફ્ટી શરુઆતી કારોબારમાં ભારે એક્શન સાથે 24,977 પોઈન્ડની ઉંચાઈ પર ગયો હતો. સાથે જ 24,874 પોઈન્ટ સુધી ડાઉન ગયો છે.
સ્ટોક્સની સ્થિતિ : બજાર ખુલતાની સાથે જ BSE માં લિસ્ટેડ કંપનીઓમાં વિપ્રો, બજાજ ફિનસર્વ, TCS, પાવર ગ્રીડ કોર્પ અને ટેક મહિન્દ્રા ટોપ ગેઈનર રહ્યા છે. જ્યારે અલ્ટ્રાટેક સિમેન્ટ, સન ફાર્મા અને મારુતિ સુઝુકી નુકસાન સાથે ટ્રેડ થઈ રહ્યા છે. આ સાથે HDFC બેંક, રિલાયન્સ, ટાટા મોટર્સ અને TCS સૌથી એક્ટીવ શેરમાં આગળ છે.
