હૈદરાબાદ: મહેસૂલ અને પોલીસ અધિકારીઓએ હૈદરાબાદમાં આઇટી કોરિડોર મણિકોંડા પાસે રૂપિયા 500 કરોડની સરકારી જમીન હડપ કરવા માટે બે રિયલ એસ્ટેટ એજન્ટ સહિત દસ લોકોના માસ્ટર પ્લાનિંગનો પર્દાફાશ કર્યો હતો. રંગારેડ્ડી જિલ્લામાં ધરાની પોર્ટલ પર કામ કરતા દીપવત શ્રીનિવાસ સહિત અન્ય ત્રણની ધરપકડ કરવામાં આવી હતી.
અન્યના નામે સહી કરી જમીનો પચાવી: મળતી માહિતી પ્રમાણે જાણવા મળ્યું છે કે, તત્કાલીન કલેક્ટર એસ. હરીશ અને ભારતી હોલીકેરી દ્વારા જમીનના ગેરકાયદે વિનિમયને લગતી ફાઇલો પર દીપવત શ્રીનિવાસ અને દીપવત નરેશ દ્વારા ઉપનામો હેઠળ સહી કરવામાં આવી હતી. ગાંડીપેટ તહસીલદાર એન. શ્રીનિવાસ રેડ્ડીએ સાયબરાબાદ પોલીસને ફરિયાદ કરી હતી. જેમાં તેમણે જણાવ્યું હતું કે, પુસા રવિન્દર અને પુસા પ્રહલાદે મણિકોંડા નજીક પોકલવાડા ગામમાં પાંચ એકર સરકારી જમીન પર કબજો કરવાનો પ્રયાસ કર્યો હતો. દીપવત શ્રીનિવાસ, સોમપલ્લી મોહનબાબુ, કુક્કુલા શિવરામકુમાર અને ડી અંજનેયુલુની ધરપકડ કરવામાં આવી હતી. પોલીસે આ અંગે આગળ જણાવ્યું કે, ધારીની ઓપરેટર દીપવત નરેશ નાઈક ફરાર છે. અને તેઓ તેની અને અન્ય પાંચ લોકોની શોધખોળ કરી રહ્યા છે.
બનાવટી દસ્તાવેજો બનાવવા આપ્યા 25 લાખ: રિયલ એસ્ટેટ બેરોન્સ રવિન્દર યાદવ અને રાઘવેન્દ્ર રેડ્ડી પોકલવાડામાં 500 કરોડની કિંમત ધરાવતી પાંચ એકર સરકારી જમીન HMDA અને ખાનગી જમીનો વચ્ચે ત્રણ વર્ષથી વેચવાનો પ્રયાસ કરી રહ્યા હતા. તેઓએ સ્થાનિક પુસા પ્રહલાદ અને પુસા રવિન્દર સાથે મળીને, તેમણે ખતરીમાં લીધું કે, તેમના નામે નકલી દસ્તાવેજો તૈયાર કરશે. ત્યારબાદ નલગંડલાના અપર્ણા સરોવરમાં રહેતા રિયલ એસ્ટેટ બિઝનેસમેન મોહન બાબુ અને શિવરામકુમારનો સંપર્ક કરીને તેમને આ કેસમાં ભાગીદાર બનાવાયા હતા.
ત્યારબાદ તેઓ દીપવત નરેશ અને દીપવત શ્રીનિવાસને મળ્યા, જેઓ રંગારેડ્ડી જિલ્લા કલેક્ટર કચેરીના ધરણી પોર્ટલ પર કામ કરતાં હતા. બનાવટી દસ્તાવેજોના આધારે નરેશ અને શ્રીનિવાસને ઈ-પાસ બુક આપવા માટે સમજાવવામાં આવ્યા હતા. નરેશ અને શ્રીનિવાસને અપેક્ષા હતી કે આ માટે તેમને 10 કરોડ રૂપિયા મળશે. અને 1 કરોડ રૂપિયા એડવાન્સ તરીકે આપવામાં આવશે. તેથી આ દાણચોરીનું કામ કરવા માટે સૌથી પહેલા દીપવત શ્રીનિવાસને ગયા વર્ષે જુલાઈમાં 25 લાખ રૂપિયા આપવામાં આવ્યા હતા.
કલેક્ટર્સનો વેશ ધારણ કરી દાણચોરી: મી સેવા સર્વિસ દ્વારા, રંગા રેડ્ડી જિલ્લા કલેક્ટરને ગયા વર્ષે સપ્ટેમ્બરમાં પુસા પ્રહલાદના નામે અને નવેમ્બરમાં પુસા રવિન્દરના નામે એક અરજી કરવામાં આવી હતી. ત્યારબાદ સપ્ટેમ્બરમાં કલેક્ટર હરીશ અને નવેમ્બરમાં ભારતી હોલીકેરી નામે કરવામાં આવી. તમને જણાવી દઈએ કે, અ સાથે દીપવત નરેશે અલગ-અલગ પ્રસંગોએ બંનેનો વેશ ધારણ કર્યો હતો. આ રીતે ધરણી પોર્ટલમાં પ્રહલાદના નામે 2.20 એકર અને રવિન્દરના નામે 2.20 એકર જમીન લીઝ જમીનમાં ફેરવાઈ હતી.
