নলবাৰীত ড্ৰাগছসহ তিনি যুৱক আটক

নলবাৰীত ড্ৰাগছসহ হাতে-লোটে ধৰি তিনি যুৱকক আৰক্ষীক গতালে স্থানীয় ৰাইজে ৷ ধৃত যুৱক তিনিজন ক্ৰমে- আচিক আলী, দ্বীপ বৰ্মন আৰু বিজয় বুলি জানিব পৰা গৈছে (Three persons with drugs caught) ৷ বিগত কিছুদিনৰ পৰা নলবাৰী চহৰৰ সমীপৱৰ্তী জয়মঙলা অঞ্চলত গঢ় লৈ উঠিছে ড্ৰাগছৰ ৰমৰমীয়া বেহা । সেয়ে গাঁৱখনৰ কেইজনমান সচেতন যুৱকে whats aap ত এটা গ্ৰুপ খুলি স্থানীয় যুৱকসকলক একত্ৰিত হৈ অঞ্চলটোত অব্যাহত থকা ড্ৰাগছৰ ব্যৱসায় ৰোধ কৰাৰ উদ্দেশ্যে সজাগতাৰ সৃষ্টি কৰে ৷ সেইমৰ্মে শনিবাৰে তিনিজন যুৱকক ড্ৰাগছ সেৱন কৰি থকা অৱস্থাত প্ৰত্যক্ষ কৰি কেইজনমান স্থানীয় যুৱকে কৰায়ত্ত কৰে ৷ পৰৱৰ্তী সময়ত ড্ৰাগছ আসক্ত যুৱক কেইজনক গতাই দিয়ে নলবাৰী আৰক্ষীক ৷