কলিয়াবৰ মিছা চাহ বাগিচাৰ পৰা উদ্ধাৰ তিনিখন চুৰি বাইক

কলিয়াবৰৰ মিছা আৰক্ষী চকীৰ এলেকাধীন মিছা চাহ বাগিচা চৌহদত উদ্ধাৰ তিনিখন চুৰি হোৱা বাইক (Misa tea garden)। যোৱা ১১ আগষ্টত চুৰি হৈছিল এই বাইক তিনিখন। ইয়াৰে দুখন মিছাৰ ভুঞাপট্টিৰ এঘৰৰ আৰু আনখন মিছা বজাৰ আন এঘৰ লোকৰ বুলি জানিব পৰা গৈছে । মিছা আৰক্ষীয়ে ঘটনাৰ তদন্ত আৰম্ভ কৰি অভিযান চলোৱাৰ খবৰ লাভ কৰিয়েই চোৰে বাইক তিনিখন এইদৰে বাগিচাৰ মাজত পেলাই থৈ যোৱাৰ সন্দেহ কৰিছে আৰক্ষীয়ে । আৰক্ষীৰ মতে, হাতে-লোটে ধৰা পৰাৰ ভয়তেই এইদৰে চোৰে পেলাই থৈ যায় বাইককেইখন (Stolen bikes recovered from tea garden are)। বাগিচাৰ মহিলা শ্ৰমিকে বাইককেইখন বাগিচাৰ মাজত পৰি থকা দেখি গাঁওৰক্ষী বাহিনীৰ জৰিয়তে আৰক্ষীক খবৰ দিয়ে । ঘটনাস্থলীত মিছা আৰক্ষী উপস্থিত হৈ বাইককেইখন উদ্ধাৰ কৰি থানাত লৈ যায় ।