প্ৰচণ্ড ধুমুহাত বিধ্বস্ত বাক্সাৰ বহু অঞ্চল

শনিবাৰে নিশা অহা এজাক প্ৰচণ্ড ধুমুহাত বিধ্বস্ত হ'ল বাক্সা জিলাৰ বিভিন্ন অঞ্চল ৷ জিলাখনৰ বিভিন্ন গাঁৱত ধুমুহাই কালৰূপ ধাৰণ কৰি উৰুৱাই নিলে বহু পৰিয়ালৰ বাসগৃহৰ লগতে ভূটানখুটি প্ৰাথমিক বিদ্যালয়খনৰ মুধচ ৷ বিদ্যালয়খনৰ আচবাবৰ লগতে বিভিন্ন গুৰুত্বপূৰ্ণ নথি-পত্ৰ পানীত নষ্ট হয় ৷ জিলাখনৰ আনন্দপুৰ, বৰিমাখা, তামুলপুৰ, কুমৰীকাটা আদি অঞ্চলত বহু লোকৰ ঘৰ দুৱাৰৰ লগতে গছ-গছনি উভালি পৰাৰ ফলত বিদ্যুৎ সংযোগ বিচ্ছিন্ন হয় ৷