টীয়কত1 কোটি 12 লাখটকীয়া বাহনৰ দুৰ্দশা

সাৱধান! আপুনি বাৰু ডিব্ৰুগড়লৈ যোৱাৰ পৰিকল্পনা কৰিছে নেকি ? তেন্তে মৰমৰ গাড়ীখন ঘৰতে এৰি ৰে’লেৰে আহক ৷ কিয়নো টীয়কত 37 নং ৰাষ্ট্ৰীয় ঘাইপথটোৰ দুৰৱস্থাৰ বাবে দুৰ্ভোগ ভুগিছে সাধাৰণ ৰাইজে (Poor condition of roads at Teok) ৷ ঘটনা অনুসৰি কেইদিন মান পূৰ্বে তেজপুৰৰ পৰা ডিব্ৰুগড়লৈ 1 কোটি 12 লাখটকীয়া AUDI-Q7 লৈ আহিছিল এজন লোক ৷ তাৰ পিছতে ঘাইপথৰ গাঁতত পৰি ফাটিল বিলাসী বাহনখনৰ চাৰিটাকৈ চকা ৷ লাখ টকা খৰচ কৰি কলিকতাৰ পৰা আনিলে চকা ৷ অনতি পলমে ৰাইজৰ যাতায়াতৰ সুচল কৰি দিবলৈ চৰকাৰলৈ আহ্বান জনাইছে বিলাসী বাহনখনৰ গৰাকীয়ে ৷ লগতে উজনিলৈ আহিলে ৰে’লেৰে আহিবলৈও আহ্বান জনায় ৷