AK47 ammunition recovery: আৰক্ষীৰ AK৪৭ ৰ গুলী চুৰি কৰা কোন এই ফিৰোজ খান ?

আৰক্ষী অধীক্ষক লীনা দলেৰ নেতৃত্বত বৃহৎ সফলতা লাভ কৰিলে নগাঁও আৰক্ষীয়ে । নগাঁও আৰক্ষীয়ে উদ্ধাৰ কৰিবলৈ সক্ষম হয় চুৰি হোৱা AK৪৭ ৰাইফলৰ ৯০ জাঁই সজীৱ গুলী (AK47 ammunition recovery)। বিগত ৯ জুলাইত নগাঁও আৰক্ষী ছাউনীৰ অন্তৰ্গত আৰক্ষীৰ চৰকাৰী আৱাসগৃহত থকা অৰুণ জ্যোতি শইকীয়া নামৰ এজন কনিষ্টবলৰ পৰা চুৰি হৈছিল গুলীসমূহ (Stolen amination of Nagaon police)। চোৰে অৰুণ শইকীয়াৰ ঘৰত প্ৰৱেশ কৰি নগদ ধন আৰু সোণৰ গহনাৰ লগতে ৯০ জাই গুলী চুৰি কৰিছিল । ইয়াৰ পিছতে নগাঁও আৰক্ষী অধীক্ষক লীনা দলেই নিলম্বন কৰিছিল অৰুণ শইকীয়া নামৰ কনিষ্টবলগৰাকীক । এই ঘটনাৰ পিছতে নগাঁও আৰক্ষীয়ে গভাইত চোৰটোক বিচাৰি অভিযান তীব্ৰতৰ কৰিছিল । সোমবাৰে নিশা প্ৰায় ৯ বজাত নগাঁও আৰক্ষীৰ এটা দলে ফৌজদাৰীপট্টিত অভিযান চলাই ফিৰোজ খান নামৰ এটা চোৰক আটক কৰে ৷ লগতে উদ্ধাৰ কৰে চুৰি হোৱা ৯০ জাঁই গুলী । আৰক্ষীয়ে ফিৰোজ খানৰ পৰা উদ্ধাৰ কৰিছে মন্দিৰৰ পৰা চুৰি হোৱা ভগৱান শ্ৰীকৃষ্ণৰ এটি মূৰ্ত্তিও । ইপিনে নগাঁও সদৰ থানাত উপস্থিত হৈ ফিৰোজ খানক জেৰা চলাইছে খোদ নগাঁৱৰ আৰক্ষী অধীক্ষক লীনা দলে ।