শ্বৰীফৰ হাতুৰীৰ কোবত প্ৰাণ হেৰুৱালে জাকিৰে

যোৰহাট জিলাৰ পুলিবৰৰ ধাপকটাৰ মিলনপুৰত মঙলবাৰে সংঘটিত হৈছে এক লোমহৰ্ষক হত্যাকাণ্ড (Murder) ৷ শ্বৰীফ কুৰেচী নামৰ এজন লোকে হাতুৰীৰে মূৰত কোবাই হত্যা কৰিলে জাকিৰ আলী নামৰ আন এজন যুৱকক ৷ শ্বৰীফৰ পত্নী তথা তিনি সন্তানৰ মাতৃৰ জাকিৰৰ সৈতে থকা পৰকীয়া প্ৰেমৰ বাবেই এই ঘটনা সংঘটিত হোৱাৰ অভিযোগ উত্থাপন হৈছে ৷ হাতুৰীৰ কোবৰ ফলত গুৰুতৰভাৱে আঘাতপ্ৰাপ্ত জাকিৰক মঙলবাৰে সন্ধিয়া ভাগত যোৰহাট চিকিৎসা মহাবিদ্যালয় হাস্পতাল (JMCH)ত ভৰ্তি কৰোৱা হয় যদিও বুধবাৰে পুৱাই মৃত্যুক সাৱতি লয় জাকিৰে ৷ ইফালে অভিযুক্ত শ্বৰীফক আটক কৰিছে আৰক্ষীয়ে ৷