Drugs Peddlers Arrested in Rangia: ৰঙিয়া আৰক্ষীৰ জালত ড্ৰাগছ সৰবৰাহকাৰী মাতৃ-পুত্ৰ

ৰঙিয়া আৰক্ষীৰ জালত এইবাৰ ড্ৰাগছ সৰবৰাহকাৰী মাতৃ-পুত্ৰ(Mother and son arrested with drugs at Rangia) । কেইবা লক্ষাধিক টকা মূল্যৰ নিষিদ্ধ ড্ৰাগছসহ আৰক্ষীয়ে হাতে-লোটে গ্ৰেপ্তাৰ কৰিলে ৰঙিয়াৰ সমীপৰ উদিয়ানাৰ ড্ৰাগছ সৰবৰাহকাৰী ৰুচিয়া বেগম আৰু জেহেৰুল হকক ৷ লগতে এগৰাকী ড্ৰাগছ আসক্ত যুৱক উদিয়ানাৰ চফিকুল ইছলামকো গ্ৰেপ্তাৰ কৰে আৰক্ষীয়ে(Drugs addicted youth arrested) । উল্লেখ্য যে দীৰ্ঘদিন ধৰি ৰঙিয়াৰ বিভিন্ন অঞ্চলৰ লগতে বহিঃৰাজ্যৰ একাংশ ট্ৰাক চালকক ড্ৰাগছ সৰবৰাহ কৰি থকাৰ অভিযোগ মাতৃ-পুত্ৰৰ বিৰুদ্ধে । অভিযোগ মতে, এই মাতৃ-পুত্ৰই ৰঙিয়াৰ বিভিন্ন অঞ্চলত ড্ৰাগছ সৰবৰাহ কৰাৰ লগতে নিজা বাসগৃহতে বিক্ৰী কৰি আহিছিল নিষিদ্ধ ড্ৰাগছ । অৱশেষত বৃহস্পতিবাৰে নিশা বাসগৃহটোত আৰক্ষীয়ে তালাচী চলাই ড্ৰাগছ বিক্ৰী কৰি থকা মূহুৰ্তত উদিয়ানাৰ পৰা গ্ৰেপ্তাৰ কৰে দুই মাতৃ-পুত্ৰক । অভিযানকালত আৰক্ষীৰ দলটোৱে ৫.৮৬ গ্ৰাম ড্ৰাগছ, ১৫ টা কন্টেইনাৰ, নগদ ধনসহ মোবাইল ফোন জব্দ কৰে । ইফালে, আৰক্ষীয়ে ৰঙিয়া থানাত তিনিওজনকে অধিক তথ্যৰ বাবে জেৰা অব্যাহত ৰাখিছে ।