কণ্টেইনমেণ্ট জ’নত অত্যাৱশ্যকীয় সামগ্ৰী প্ৰদান বিধায়ক মৃণাল শইকীয়াৰ

গোলাঘাটৰ শাঁওতলী চাহ বাগিছাৰ কণ্টেইনমেণ্ট জ’নত বুধবাৰে অত্যাৱশ্যকীয় সামগ্ৰী লৈ উপস্থিত হয় খুমটাইৰ বিধায়ক মৃণাল শইকীয়া ৷ খুমটাই বিধানসভা সমষ্টিৰ হাবিছোৱা গাঁও পঞ্চায়তৰ অন্তৰ্গত শাওঁতলী চাহ বাগিচাৰ 8 আৰু 9 ৱাৰ্ডক কণ্টেইণ্টমেণ্ট জ’ন হিচাপে ঘোষণা কৰাৰ পাচত চাহ শ্ৰমিকসকলৰ কাষত থিয় হৈ পৰিস্থিতিৰ বুজ লয় বিধায়কগৰাকীয়ে ৷ ইয়াৰ লগতে অত্যাৱশ্যকীয় খাদ্য সামগ্ৰী যোগান ধৰে বিধায়ক শইকীয়াই ৷ বাগিচাখনৰ 160 টা শ্ৰমিক পৰিয়ালক খাদ্য সামগ্ৰী যোগান ধৰাৰ উপৰিও গৰঙা চাহ বাগিচাৰ ক’ভিডত আক্ৰান্ত 7 টা পৰিয়ালক খাদ্য সামগ্ৰী যোগান ধৰে । ইয়াৰোপৰি সমষ্টিটোৰ ঢেকিয়াল, খুমটাই আদি ভিন্ন অঞ্চলত হোম আইচ’লেশ্বনত থকা লোকসকলকো খাদ্য সামগ্ৰী প্ৰদান কৰে । উল্লেখ্য যে, বিগত বানৰ সময়চোৱাত ‘ভ্ৰাম্যমাণ পাকঘৰ’ নামৰ বাহনেৰে বন্যাৰ্তসকলকো অত্যাৱশ্যকীয় সামগ্ৰী যোগান ধৰিছিল বিধায়কগৰাকীয়ে ৷