পুনৰ যোৰহাটত লক ডাউন

সমগ্ৰ দেশৰ লগতে অসমতো অব্যাহত আছে ক'ভিডৰ সংহাৰী ৰূপ ৷ ৰাজ্য চৰকাৰে কভিডৰ সংক্ৰমণ নিয়ন্ত্ৰণ কৰাৰ উদ্দেশ্যে অবিৰতভাৱে প্ৰচেষ্টা অব্যাহত ৰাখিছে যদিও বৰ্তমানেও নিয়ন্ত্ৰণলৈ অহা নাই ক'ভিড পৰিস্থিতি ৷ মূলতঃ ৰাজ্যৰ 7 খনকৈ জিলাত ক'ভিডে ধাৰণ কৰিছে সংহাৰী ৰূপ ৷ ইয়াৰ মাজৰে যোৰহাট জিলাত দুদিনৰ বাবে পুনৰ বৃদ্ধি কৰা হৈছে লক ডাউন ৷ ক'ভিড পৰিস্থিতিৰ প্ৰতি লক্ষ্য ৰাখি জিলাখনত আৰু দুদিনৰ বাবে লক ডাউন বৃদ্ধি কৰাৰ কথা ঘোষণা কৰিছে জিলা উপায়ুক্ত অশোক কুমাৰ বৰ্মনে ৷ যোৰহাট জিলা প্ৰশাসনে এক নিৰ্দেশ যোগে ঘোষণা কৰিছে এই কথা ৷