চৰাইদেউত ভয়ংকৰ অগ্নিকাণ্ড: ভস্মীভূত পাঁচ লক্ষাধিক টকাৰ সামগ্ৰী

চৰাইদেউ জিলাৰ গাতে লাগি থকা অৰুণাচলৰ কানুবাৰীত শনিবাৰে সংঘটিত হয় ভয়াবহ অগ্নিকাণ্ড (Fire broke out in Charaideo)। কানুবাৰীৰ অৱসৰপ্ৰাপ্ত সৈনিক আব' ৱাংজেনৰ গৃহত সংঘটিত হয় এই অগ্নিকাণ্ড । ৰান্ধনিঘৰৰ পৰা জুইৰ সূত্ৰপাত হোৱা বুলি জানিব পৰা হৈছে । ঘটনাস্থলীত চৰাইদেউ অগ্নিনিৰ্বাপক বাহিনী উপস্থিত হৈ নিৰ্বাপিত কৰে জুই । কিন্তু ইতিপূৰ্বে অগ্নিকাণ্ডত ভস্মীভূত হয় প্ৰায় পাঁচ লক্ষাধিক টকাৰ সামগ্ৰী । ইফালে সৌভাগ্যক্ৰমে অগ্নিকাণ্ডৰ পৰা ৰক্ষা পৰে মূলগৃহটো ।