নিশা গোৰেশ্বৰত ভয়ংকৰ অগ্নিকাণ্ড

গোৰেশ্বৰৰ বজাৰৰোডত পুৱতি নিশা প্ৰায় তিনিমান বজাত সংঘটিত হয় ভয়ংকৰ অগ্নিকাণ্ডৰ ঘটনা(Massive fire breaks out in Goreshwar) । বিধ্বংসী অগ্নিকাণ্ডত সম্পূৰ্ণৰূপে জাহ গ'ল প্ৰায় ৪ খন দোকানৰ লগতে ভাৰাতীয়া দুটা পৰিয়ালৰ গৃহ । জুইৰ লেলিহান শিখাই নিমিষতে চাৰখাৰ কৰি পেলাই কাহ পিতলৰ বাচন বৰ্তনৰ দোকান । ঘটনাটো সংঘটিত হোৱাৰ কিছুসময় পাছতে গোৰেশ্বৰ আৰক্ষীৰ লগতে গোৰেশ্বৰ অগ্নিনিৰ্বাপক বাহিনীৰ দল ঘটনাস্থলীত উপস্থিত হৈ অগ্নি নিৰ্বাপন কৰে যদিও লক্ষাধিক টকাৰ সা-সামগ্ৰী জুইত জাহ যোৱাৰ কথা উল্লেখ কৰিছে ভোক্তভোগী সকলে । বৈদ্যুতিক শ্বৰ্ট চাৰ্কিটৰ ফলতেই এই অগ্নিকাণ্ডৰ ঘটনা সংঘটিত হয় বুলি সন্দেহ প্ৰকাশ কৰিছে ব্যৱসায়ী তথা স্থানীয় আৰক্ষীয়ে ।