Etv bharat ৰ বাতৰিৰ প্ৰভাৱ: নন্দ গগৈৰ পৰিয়াললৈ ৰুদ্ৰাক্ষীৰ সহায়ৰ হাত

আমগুৰি সমষ্টি (Amguri Constituency)ৰ নামতি চৰাইমুৰীয়া গাঁৱৰ চৰকাৰী আঁচনিৰ পৰা বঞ্চিত এটা পৰিয়াল । কচু-ঢেকীয়া খাই জীয়াই থকা চৰাইমুৰীয়া গাঁৱৰ 7 নং ৱাৰ্ডৰ নন্দ গগৈৰ পৰিয়ালটোৰ বাতৰি ইটিভি ভাৰত (ETV Bharat)ত সবিস্তাৰে প্ৰকাশ পাইছিল । এখন পলিথিনৰ চালিৰ তলত অতি কষ্টৰ মাজেৰে জীৱন অতিবাহিত কৰা পৰিয়ালটোৰ এই দুৰ্দশা ইটিভি ভাৰতত দেখি পৰিয়ালটোক সহায় কৰিবলৈ আগবাঢ়ি আহিল ‘ৰুদ্ৰাক্ষী’ নামৰ স্বেচ্ছাসেৱী অনুষ্ঠানটো । খাবলৈ চাউল মুঠিও যোগাৰ কৰিব নোৱাৰা পৰিয়ালটোক খাদ্য সামগ্ৰী প্ৰদান কৰে স্বেচ্ছাসেৱী সংগঠনটোৱে ৷ কুকুৰা পালনেৰে স্বাৱলম্বী হ’ব পৰাকৈ কুকুৰাৰ পোৱালী যোগান ধৰাৰ লগতে বাঁহ-বেতৰ বিভিন্ন সামগ্ৰী নিৰ্মাণ কৰিব পৰা নন্দ গগৈৰ বাবে এটি সংস্থাপনৰ ব্যৱস্থা কৰাৰ আশ্বাস দিয়ে ৰুদ্ৰাক্ষীয়ে ।