গীতৰ তালে-তালে নৃত্য চতিয়া সমষ্টিৰ বিধায়ক পদ্ম হাজৰিকাৰ

প্ৰথম পৰ্যায়ৰ নিৰ্বাচনৰ দিন চমু চাপি অহাৰ লগে-লগে ৰাজনৈতিক দল সমূহৰ নিৰ্বাচনী প্ৰচাৰ ক্ৰমাৎ তুংগত উঠিছে । ৰাজ্যত ইতিমধ্যে মনোনয়ন দাখিল কৰা প্ৰাৰ্থী সকলে আৰম্ভ কৰিছে প্ৰচাৰ অভিযান ৷ চতিয়া সমষ্টিৰ বিধায়ক পদ্ম হাজৰিকায়ো শোণিতপুৰ জিলাৰ চাৰিদুৱাৰত অনুষ্ঠিত হোৱা বিজেপিৰ এখন দলীয় প্ৰচাৰ সভাত অংশগ্ৰহণ কৰে ৷ বিধায়ক গৰাকীয়ে দলীয় সমৰ্থকৰ সৈতে নিৰ্বাচনী প্ৰচাৰৰ গীতত নৃত্য পৰিৱেশন কৰাও দেখা যায় ৷ বিধায়ক গৰাকীয়ে এনাদৰে সমৰ্থক সকলৰ সৈতে নৃত্য কৰাত ৰাইজ অধিক উৎফুল্লিত হৈ পৰে আৰু উপস্থিতি ৰাইজেও 'আকৌ এবাৰ মোডী চৰকাৰ' শীৰ্ষক গীতটোৰ তালে তালে নৃত্য পৰিৱেশন কৰে ৷