ডিব্ৰুগড়ৰ বিধ্বংসী অগ্নিকাণ্ডত জাহ গ'ল 6টাকৈ বাসগৃহ

ডিব্ৰুগড়ৰ চানমাৰি ঘাটত সোমবাৰে নিশা সংঘটিত হৈছে এক বিধ্বংসী অগ্নিকাণ্ড । জুইৰ লেলিহান শিখাই নিমিষতে আৱৰি ধৰে ছটাকৈ বাসগৃহৰ লগতে এখন দোকান ৷ মমবাতিৰ পৰা সূত্ৰপাত হোৱা জুয়ে মুহুৰ্ততে নিঃশেষ কৰে বাসগৃহৰ লগতে সা-সামগ্ৰীসহ বিপণীখন ৷ ৰাজু সিং নামৰ যুৱকজনৰ বাসগৃহত সংঘটিত এই অগ্নিকাণ্ডত বিনষ্ট হয় লক্ষাধিক মূল্যৰ সামগ্ৰী ৷ ডিব্ৰুগড়ৰ অগ্নি নিৰ্বাপক বাহিনীয়ে কেইবাখনো বাহনৰ সহায়ত জুই নুমুৱাবলৈ সক্ষম হোৱাত বৃহত্তৰ জনবসতিপূৰ্ণ অঞ্চলটো জুইৰ কবলৰ পৰা ৰক্ষা পৰে ৷