কৰিমগঞ্জত 50 লাখ টকাৰ কফ চিৰাপ জব্দ

কৰিমগঞ্জৰ চূড়াইবাড়ি আৰক্ষীয়ে বুধবাৰে অভিযান চলাই প্ৰায় 8 হেজাৰ তিনিশ বটল কফ চিৰাপ জব্দ কৰে(Cough syrup seized in Karimganj) । সৰবৰাহকাৰী দলটোৱে RJ 09 GD 3391 নম্বৰৰ এখন ইলেকট্ৰিক তাঁৰ ভৰ্তি ট্ৰাকৰ ভিতৰত 26 টা বস্তাত লুকুৱাই আনিছিল কফ চিৰাপৰ বটলখিনি ৷ তেওঁলোকে গাজিয়াবাদৰ পৰা কৰিমগঞ্জ হৈ ত্ৰিপুৰাৰ ৰাজধানী আগৰতলালৈ কঢ়িয়াই আনিছিল নিচাযুক্ত দ্ৰব্যখিনি ৷ আগৰতলাৰ পৰা বাংলাদেশলৈ কফ চিৰাপখিনি সৰবৰাহৰ পৰিকল্পনা কৰিছিল সৰবৰাহকাৰী দলটোৱে ৷ জব্দকৃত কফ চিৰাপখিনিৰ বজাৰ মূল্য অনুমানিক পঞ্চাশ লাখ টকা হ’ব বুলি আৰক্ষী সূত্ৰে জানিব পৰা হৈছে । কৰিমগঞ্জ আৰক্ষীয়ে উত্তৰ প্ৰদেশৰ ট্ৰাকখনৰ চালক মহম্মদ ফৰাজ আৰু সহচালক ছাব্বিৰ আহমদক আটক কৰিছে(karimganj police anti drug campaign) ৷