Cattle smuggling in Assam : বিহালীত জব্দ গৰুভৰ্তি 12 চকীয়া বাহন

বিহালী আৰক্ষীৰ জালত পৰিছে চোৰাংভাৱে সৰবৰাহ কৰা গৰুভৰ্তি এখন 12 চকীয়া বাহন (Illegal Cattle Smuggling) ৷ বাহনখনত আছিল 24 টা গৰু ৷ এক গোপন খবৰৰ তথ্যৰ ভিত্তিত বিহালী বিধানসভা সমষ্টিৰ অন্তৰ্গত বৰগাঙৰ 15 নং ৰাষ্ট্ৰীয় ঘাইপথত দেওবাৰে পুৱতি নিশা বৰগাং আৰক্ষী চকীৰ ভাৰপ্ৰাপ্ত আৰক্ষী বিষয়া বুচিং বে'ৰ নেতৃত্বত এটা দলে চলাইছিল অভিযান ৷ এই অভিযানতে আৰক্ষীয়ে জব্দ কৰে চোৰাংভাৱে সৰবৰাহ কৰিবলৈ লোৱা 24 টা গৰুসহ বাহনখন (Behali police seized trucks carrying cattle) । জব্দকৃত বাহনখনৰ নম্বৰ হৈছে AS 01 KC 1201 ৷ ঘটনা সংক্ৰান্তত আৰক্ষীয়ে আটক কৰে গাড়ীখনৰ চালকক ৷ তথ্য অনুসৰি, আৰক্ষীয়ে ইতিমধ্যে বাহনখনৰ চালকক অধিক তথ্যৰ বাবে জেৰা অব্যাহত ৰাখিছে ।