ৰিতুল শইকীয়াৰ বাসগৃহত সদৌ অসম ছাত্ৰ সন্থাৰ প্ৰতিনিধি দল

লাকোৱাৰ ৰীগৰ পৰা অপহৃত ৰিতুল শইকীয়া বাসগৃহত শনিবাৰে উপস্থিত হয় আছুৰ সাধাৰণ সম্পাদক শংকৰজ্যোতি বৰুৱা ৷ বিগত ২১ এপ্ৰিলত লাকুৱাৰ অ’এনজিচিৰ ৰীগৰ পৰা অপহৃত হৈছিল তিনিজনকৈ কৰ্মচাৰী ৷ ইয়াৰে দুজন কৰ্মচাৰী উদ্ধাৰ হ’ল যদিও এইপর্যন্ত উদ্ধাৰ হোৱা নাই বৰহোলা নাঙল গাঁৱৰ যুৱক ৰিতুল শইকীয়া । শনিবাৰে সদৌ অসম ছাত্ৰ সন্থাৰ সাধাৰণ সম্পাদক শংকৰজ্যোতি বৰুৱাই অপহৃত ৰিতুল শইকীয়া ঘৰত উপস্থিত হৈ পৰিস্থিতিৰ বুজ লয় । ৰিতুল শইকীয়াৰ ঘৰত উপস্থিত হৈ আছুৰ সম্পাদক গৰাকীয়ে শীঘ্ৰে অপহৃত শইকীয়াক মুক্তি কৰি দিবলৈ দাবী জনায় ।