মাজুলীৰ মুখা শিল্প দৰ্শন কৰি অভিভূত বিশ্বজিৎ দৈমাৰী

মাজুলীৰ উত্তৰ কমলাবাৰী সত্ৰত (Kamalabari Satra Majuli) বুধবাৰে এখন সভাত অংশগ্ৰহণ কৰিব অসম বিধানসভাৰ অধ্যক্ষ বিশ্বজিৎ দৈমাৰীয়ে(Assam Legislative Assembly Speaker Biswajit Daimary) ৷ সেই উদ্দেশ্যে মঙলবাৰেই দুদিনীয়া কাৰ্যসূচীৰে মাজুলীত উপস্থিত হয় বিধানসভাৰ অধ্যক্ষগৰাকী ৷ মাজুলীত উপস্থিত হৈ ঐতিহাসিক চামগুৰি সত্ৰৰ মুখা শিল্প দৰ্শন কৰে অধ্যক্ষগৰাকীয়ে(Assembly Speaker visits Samguri Sattar's historic Mukha Shilpa) । মাজুলীৰ মুখা শিল্প প্ৰত্যক্ষ কৰি খুবেই সুখী বুলি উল্লেখ কৰে দৈমাৰীয়ে । ইয়াৰ পাছতে দক্ষিণপাট সত্ৰ, ভোগপুৰ সত্ৰ দৰ্শন কৰে অধ্যক্ষগৰাকীয়ে । চামগুৰি সত্ৰত অনুষ্ঠিত বৰ সবাহতো সেৱা লয় অধ্যক্ষ দৈমাৰীয়ে ।