বিছনাৰ খুৰাৰে ডিঙিত হেঁচি যুৱতীক হত্যা

উত্তৰ গুৱাহাটীৰ ভেটামুখ নয়নপাৰাত নৃশংস হত্যাকাণ্ডৰ ঘটনা (Brutal murder in North Guwahati) ৷ স্বাধীনতা দিৱসৰ আনন্দ উলাহৰ মাজতেই এগৰাকী যুৱতীক নিজ কোঠাত নৃশংসভাৱে হত্যা কৰাৰ ঘটনা সংঘটিত হয় ৷ বিছনাৰ খুৰাৰে ডিঙিত হেঁচি হত্যা কৰাৰ সন্দেহ ৷ মৃত যুৱতীগৰাকীক বন্ধ কোঠাৰ ভিতৰত উদ্ধাৰ কৰা হৈছে ৷ হত্যাকাৰীয়ে ঘটনাটো সংঘটিত কৰি খিৰিকীৰে পলায়ন কৰাৰ সন্দেহ কৰা হৈছে (Girl Brutally killed inside room)। প্ৰায় ১৮ বছৰীয়া যুৱতী গৰাকী নগাঁও জিলাৰ জুৰীয়া থানাৰ অন্তৰ্গত সোণাইপাৰা গাঁৱৰ আস্মিনা খাতুন বুলি চিনাক্ত কৰা হৈছে ৷ যুৱতী গৰাকীৰ আত্মীয়ই সদৰী কৰা মতে, যুৱতী গৰাকীৰে প্ৰেমৰ সম্পৰ্ক আছিল বৰপেটাৰ চফিকুলৰ সৈতে । ইফালে উত্তৰ প্ৰদেশৰ পি কে আনন্দ নামৰ এজন লোকৰো একপক্ষীয় প্ৰেমৰ সম্পৰ্ক আছিল যুৱতী গৰাকীৰ লগত ৷ পি কে আনন্দে চাকৰিৰ প্ৰলোভন দেখুৱাই পূৰ্বে যুৱতী গৰাকীক লৈ গৈছিল বহিঃৰাজ্যলৈ ৷ আস্মিনা খাতুনে বহিঃৰাজ্যৰ পৰা কোনো মতে পলাই আহি পুনৰ উত্তৰ গুৱাহাটীৰ এটি উদ্যোগত কাম কৰিবলৈ লৈছিল ৷ আনিচা ফাৰুকী নামৰ এগৰাকী মহিলাৰ ঘৰত কোঠা ভাৰা লৈ আছিল আস্মিনা । ইফালে, চফিকুল নামৰ যুৱকজনে আস্মিনাক কালি প্ৰেমৰ উপহাৰ হিচাপে দিছিল এটি মোবাইল ৷ তাৰ পাচতেই নিশা মৃত অৱস্থাত উদ্ধাৰ হয় যুৱতীগৰাকী (North Guwahati murder news) ৷ ইতিমধ্যে নিশাই উত্তৰ গুৱাহাটীৰ ৰাজহ চক্ৰ বিষয়া ঘটনা স্থলীত উপস্থিত হৈ এয়া এক হত্যাকাণ্ড বুলি অভিহিত কৰিছে । উত্তৰ গুৱাহাটী আৰক্ষীয়ে ইতিমধ্যে সোধা পোচাৰ বাবে কেইবাজনো যুৱকক আটক কৰিছে ।