ধেমাজিত উলহ মালহৰে ৭৬ সংখ্যক স্বাধীনতা দিৱস উদযাপন

সমগ্ৰ দেশৰ লগতে ধেমাজি জিলা প্ৰশাসনৰ উদ্যোগত ধেমাজি কাছাৰী ময়দানত উলহ মালহে 76 সংখ্যক স্বাধীনতা দিৱস পালন কৰে (76th Independence Day at Dhemaji) ৷ প্ৰথমে মহাত্মা গান্ধীৰ প্ৰতিমূৰ্তিত মাল্যাৰ্পণ আৰু তাৰপাছত ধেমাজি মহাবিদ্যালয়ৰ শ্বহীদ স্মৃতি স্তম্ভত মাল্যাৰ্পণ কৰাৰ পিছতে পুৱা ৯ বজাত কাছাৰী ময়দানত আনুষ্ঠানিকভাৱে ৰাষ্ট্ৰীয় পতাকা উত্তোলন কৰে ধেমাজি জিলা উপায়ুক্ত অসীম কুমাৰ ভট্টাচাৰ্যই (DC Ashim Kumar Bhattacharya hoisting the national flag) ৷ ইয়াৰ পিছতে চৰকাৰে জিলাখনৰ বাবে ৰূপায়ন কৰা বিভিন্ন উন্নয়নমূলক কামৰ ওপৰত ৰাইজৰ আগত ভাষণ আগবঢ়াই উপায়ুক্তগৰাকীয়ে । সোমবাৰে কাছাৰী ময়দানৰ পেৰেডত অংশগ্ৰহণ কৰা ২৭ টা কুচকাৱাজৰ দলৰ অভিবাদন গ্ৰহণ কৰে জিলা উপাযুক্তগৰাকীয়ে ।