নিজৰ বিজয়ক লৈ নিশ্চিত ইউপিপিএলৰ প্ৰাৰ্থী লৰেঞ্চ ইছলাৰী

কোকৰাঝাৰত ইউপিপিএলৰ প্ৰাৰ্থী লৰেঞ্চ ইছলাৰীৰ ভোটদান । ভোটগ্ৰহণ প্ৰক্ৰিয়া শান্তিপূৰ্ণ আৰু নিকা হোৱাৰ কামনা কৰাৰ লগতে ৰাজ্যত পুনৰ বিজেপি মিত্ৰগোটে চৰকাৰ গঠন কৰিব বুলি দাবী কৰিছে ইউপিপিএলৰ প্ৰাৰ্থী গৰাকীয়ে ৷ 30 নং পূৱ কোকৰাঝাৰ বিধানসভা সমষ্টিৰ ইউপিপিএলৰ প্ৰাৰ্থী লৰেন্স ইছলাৰীয়ে মঙলবাৰে গৌৰাং হাইস্কুলৰ ভোটকেন্দ্ৰত ভোটদান কৰে । নিজে পঢ়া হাইস্কুলখনতে এগৰাকী প্ৰাৰ্থী হিচাপে ভোটদান কৰি সুখী বুলি সংবাদ মাধ্যমৰ আগত মন্তব্য কৰি লৰেন্স ইছলাৰীয়ে তেওঁৰ বিজয় নিশ্চিত বুলি দাবী কৰিছে । ৰাইজে পৰিবৰ্তন বিচাৰিছে আৰু সেয়েহে বিগত 30 বছৰে একেৰাহে প্ৰতিনিধিত্ব কৰা বিধায়িকাগৰাকীৰ বিপক্ষে ভোটদান কৰি তেওঁৰ বিজয় সুনিশ্চিত কৰি তুলিছে বুলি ইছলাৰীয়ে মন্তব্য কৰে ৷