Road Accident at Barpeta: বৰপেটাৰ বৰবিলাত থিতাতে নিহত দুজন

বৰপেটাৰ বৰবিলাত শোকাৱহ পথ দূৰ্ঘটনা (Road Accident at Barpeta)। ভাগিনীয়েকৰ বিয়া খাবলৈ আহি দূৰ্ঘটনাত পতিত কয়াকুছিৰ এটা পৰিয়াল ৷ তীব্ৰবেগী মাৰুতি ইক’ বাহনৰ খুন্দা ই-ৰিক্সাত । চাৰিচকীয়া বাহনৰ খুন্দাত থিতাতে নিহত দুজন ৷ নিহত দুগৰাকীৰ ভিতৰত মহিমা পাৰবীন নামৰ এটি ৮ বছৰীয়া শিশুও আছে ৷ আনগৰাকী নিহত মহিলাৰ নাম জমিৰণ নেছা ৷ বৰবিলা গাঁৱৰ বামুণৰ ভিঠাৰ জুলহাছ আলী নামৰ লোকজনৰ কন্যাৰ বিবাহৰ বাবে কয়াকুছিৰ পৰা আহিছিল পৰিয়ালটো ৷ বিয়াঘৰ পোৱাৰ আগমুহুৰ্তত AS ০১ EG ৫৮৭৯ নম্বৰৰ মাৰুতি ইক’ বাহনখনে ই-ৰিক্সাখনত খুন্দিওৱাৰ ফলত ই-ৰিক্সাৰ আৰোহী শিশুসহ দুজন নিহত হোৱাৰ লগতে দুগৰাকী আহত হয় । আহতসকলৰ ভিতৰত ই-ৰিক্সাখনৰ চালক হাচমত আলী আৰু ৰুমী পাৰবীন নামৰ ১৫ বছৰীয়া কিশোৰীগৰাকীক ইতিমধ্যে বৰপেটা মেডিকেল কলেজ হস্পিটালত ভৰ্তি কৰা হৈছে ৷ ৰুমী পাৰবীন নামৰ কিশোৰীগৰাকীৰ অৱস্থা সংকটজনক বুলি জানিব পৰা গৈছে ৷