হোজাইত প্ৰয়াত হোমেন বৰগোহাঞিক শ্ৰদ্ধাঞ্জলি

বিশিষ্ট লেখক তথা প্ৰবীণ সাংবাদিক হোমেন বৰগোহাঞিৰ মৃত্যুৰ খবৰে সমগ্ৰ ৰাজ্যতে শোকৰ ছাঁ পেলোৱাৰ লগতে অসমীয়া সমাজ জীৱনত যেন এক অপূৰনীয় ক্ষতিৰ সৃষ্টি কৰিলে ৷ বিশিষ্ট সাংবাদিক গৰাকীৰ মৃত্যুত লংকা সাংবাদিক সন্থাৰ কাৰ্যালয়ত সম্পূৰ্ণ ক’ভিড প্ৰ’টকল ৰক্ষা কৰি শ্ৰদ্ধাঞ্জলি অনুষ্ঠানৰ আয়োজন কৰা হয় ৷ লংকাৰ সাংবাদিক সকল তথা স্থানীয় ৰাইজে কথাশিল্পী, সাহিত্যিক তথা সাংবাদিক গৰাকীৰ বিদেহী আত্মাৰ চিৰ শান্তি কামনা কৰি বন্তি প্ৰজ্বলন কৰে । লংকাৰ সাংবাদিক সন্থাই নেদেখাজনক প্ৰাৰ্থনা কৰাৰ লগতে শোকস্তব্ধ পৰিয়াললৈ সমবেদনা জ্ঞাপন কৰে আৰু তেওঁলোকৰ কাৰ্যালয়ৰ পতাকা অৰ্ধনিমিত কৰি ৰাখে ।